Հայկական դեկորացիան հաղթել է ԱՄՆ Վարդերի շքերթի Past Presidents անվանակարգում (տեսանյութ)

• 05.01.2017, 17:26
•  Ամերիկա,  Աշխարհ,  Հայաստան,  Սփյուռք

Facebook/ American Armenian Rose Float Association, Inc.

ԱՄՆ-ի Կալիֆորնիա նահանգի Փասադենա քաղաքում Վարդերի շքերթ է անցկացվել, որին նաև հայկական թիմ է մասնակցել, հայտնում է Sputnik-Արմենիան:

Գեղեցիկ ու յուրօրինակ վարդասայլերի մրցույթն այս տարի անցկացվել է 128-րդ անգամ:

Հայերի ներկայացրած վարդասայլը հաղթել է Past Presidents անվանակարգում:

Հայ-ամերիկյան Վարդասայլի ընկերակցության (American Armenian Rose Float Association) ֆեյսբուքյան էջում նշված է, որ hայկական վարդասայլն այս մրցանակը նվաճել է ծաղկային և ոչ ծաղկային նյութերն ամենանորարար մեթոդներով օգտագործելու համար:

Հայկական վարդասայլի պատրաստության համար օգտագործվել է 25.000 ճերմակ վարդ՝ Արարատ լեռը խորհրդանշող պատկերը ծածկելու համար, 60-65.000 զանազան ծաղիկներ՝ Արցախի հովատակի պատկերը զարդարելու համար:

Վարդերի շքերթն անցկացվել է հունվարի 2-ին: