Թագուհի Եղիսաբեթ II-ը հազիվ է փրկվել ժամապահի զոհը դառնալուց

• 05.01.2017, 14:54
•  Եվրոպա

reuters

Մեծ Բրիտանիայի թագուհի Եղիսաբեթ II-ը քիչ էր մնացել դառնար սեփական թիկնապահի զոհը: Միջադեպը տեղի է ունեցել, երբ նա անքնության պատճառով գիշերը զբոսնելիս է եղել Բուքինգեմյան պալատում:

Independent-ի փոխանցմամբ՝ միջադեպի մասին հայտնել է հենց նախկին  ժամապահը, որը քիչ էր մնացել թագուհու վրա կրակեր:

Ուշ գիշերով նա հսկում էր պալատի ներքին տարածքը, երբ մթության մեջ մարդ է նկատել: Նա բղավել է. «Ո՞վ ես»:

Պարզվել է, որ Եղիսաբեթ II թագուհին է:

«Գրողը տանիմ Ձերդ գերազանցություն, քիչ էր մնում Ձեզ սպանեի»,-ժամապահի խոսքերը մեջբերում է պարբերականը:

Ի պատասխան՝ թագուհին կատակել է. «Ամեն ինչ կարգին է, հաջորդ անգամ նախապես կզանգահարեմ, և դուք ստիպված չեք լինի իմ վրա կրակել»: