ԵՐԵՎԱՆ 30 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20 372,37 դրամ ԱՐԾԱԹ - 273,01 դրամ ՊԼԱՏԻՆ - 15 072,98 դրամ

Հիմնական դժվարությունն այն էր, որ ոչ ոք չէր պատկերացնում, որ պատերազմ կլինի. Արցախյան պատերազմի մասնակից (ԲԱՑԱՌԻԿ)

Ձեզ ենք ներկայացնում «Արմեդիա» ՏՎԳ բացառիկ հարցազրույցն Արցախյան պատերազմի մասնակից Գրիգոր Մկրտչյանի հետ:

-Պարոն Մկրտչյան, ե՞րբ եք մեկնել ռազմաճակատ և ռազմական ի՞նչ գործողությունների եք մասնակցել:

- Ես ռազմաճակատում եղել եմ 1993 թվականից: Հադրութում 1993 թվականին վիրավորվել եմ, վերադարձել՝ բուժվելու: 1993 թվականի վերջին - 1994-ին վերադարձել եմ Մարտակերտ: Մասնակցել եմ Կարմրավան, Սեյսուլան գյուղի մոտ տեղի ունեցած ռազմական գործողություններին: Ազատագրել ենք Մարտակերտը: Մարտակերտում մեր գնդի տղաները՝ 16 հոգի, ընկան շրջափակման մեջ և զոհվեցին, մինչև այդ կորուստ չէինք ունեցել: Մեր գնդում էր նաև Արցախի հերոս Վահագն Վարդևանյանը: Բախտի բան էր՝ ողջ կմնայիր, թե՝ ոչ…

- Հիմնականում ի՞նչ դժվարությունների եք (բարոյա-հոգեբանական, ֆիզիկական և այլ)  բախվել ռազմաճակատում:

Հիմնական դժվարությունն այն էր, որ ոչ ոք չէր պատկերացնում, որ պատերազմ կլինի: Մենք՝ պատերազմից հետո ծնված սերունդս, գիտեինք միշտ խաղաղություն է լինելու: Ես փոքր-ինչ ծանոթ էի ռազմական գործին, նրանք, ովքեր ծանոթ չէին, դժվարանում էին, սակայն չէին ընկճվում, տղաները բոլորն էլ սովորում էին, պարապում էին, որ կարողանային դիմադրել, հարձակվել:

Անցյալ տարի ապրիլին քառօրյա պատերազմի ժամանակ ես Ղարաբաղում էի, շատ լավ տղաներ ունենք, իսկական առյուծներ: Ինչպես ասում են՝ ուզում ես խաղաղություն, պետք է պատրաստվես պատերազմի: Ուստի, մեր սերունդներին պիտի խնդրեմ լավ իմանան ռազմական գործը, որ խուճապի չմատնվեն: Միշտ պատրաստ լինեն, որ հաղթեն:


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 20%
Քամի՝ 11.27 կմ/ժ
30 C°
 
18°  31° 
23.09.2017
17°  27° 
24.09.2017
Հարցում

Արդյո՞ք Կատալոնիային կհաջողվի անցկացնել անկախության հանրաքվե: