Ինչպե՞ս է Նունե Եսայանը համոզել Սոսո Պավլիաշվիլիին երգ ձայնագրել

• 13.10.2017, 19:32
•  Տարածաշրջան,  Աշխարհ,  Հայաստան

Էստրադային հայտնի երգչուհի Նունե Եսայանը Sputnik Արմենիային պատմել է, թե ինչպես է խրախուսել վրացի գործընկերոջը՝ երգիչ Սոսո Պավլիաշվիլիին, որ միասին կատարեն «Ես սիրում եմ քեզ» երգը։

«Միտքն իմն էր։ Ես վաղուց ճանաչում էի Սոսոյին։ Մեր կովկասյան խառնվածքները մոտ են, և ես ուզում էի նրա հետ մի գործ ձայնագրել։ Քանի որ նա 6.8 ռիթմով երգեր շատ ունի, ասաց` արի փոփ կամ ջազային ոճի մի գործ անենք։ Դա արեցինք։ Բայց, միևնույն է, հանգիստ չէր տալիս «Ես սիրում եմ քեզ» երգը ձայնագրելու միտքը։ Խոսեցինք, ես առանձին ձայնագրեցի այս երգը։ Հետո, երբ լսեց, ասաց` իսկապես ճիշտ էիր ասում, որ սա անեինք»,- պատմել է Եսայանը։

Երկու երգիչների մասնակցությամբ նկարահանումներն ընթացել են կամերային թատրոնում, մյուս հատվածները` հայաստանյան ռեստորաններից մեկում։