Արմֆոնների և արմթաբերի արտադրությունը նվազել է

• 07.11.2017, 12:38
•  Հայաստան,  No-politics

facebook.com

Հայաստանում 2016թ. հունվար-սեպտեմբեր ամիսներին  արտադրվել էր 1585 հատ պլանշետ: 2017թ. նույն ժամանակահատվածում  արտադրվել  է 55 պլանշետ, ինչը նախորդ տարվա համեմատ նվազել է 96.5%-ով, փոխանցում է Panorama.am-ը:

ՀՀ ազգային վիճակագրական ծառայության հրապարակած տվյալների համաձայն՝  հունվար-սեպտեմբերին համակարգիչների արտադրության ծավալներն էլ կրճատվել են 36%-ով. եթե 2016թ. 9 ամիսներին հանրապետությունում  արտադրվել է 714  հատ համակարգիչ, ապա 2017թ. հունվար-սեպտեմբերին՝ 457:

Ինչ վերաբերում է հեռախոսներին, ապա նշված ժամանակահատվածում  մեր երկրում արտադրվել է 330 բջջային հեռախոս՝ նախորդ տարվա նույն ժամանակահատվածի համեմատ նվազելով  68.4%-ով: 2016  թ-ի նույն ժամանակահատվածում  արտադրվել է 1 045  հատ բջջային հեռախոս:

Հիշեցնենք, որ հայկական հեռախոսների՝ «Արմֆոն»-ի (Armphone) վաճառքը սկսվել է նախորդ տարվա  հունիսից: