Հարկային բարեփոխումների շնորհիվ ԱՄՆ կվերադառնա շուրջ 4 տրլն դոլար. Թրամփ

• 17.12.2017, 17:49
•  Ամերիկա

Dominick Reuter / Reuters

Միացյալ Նահանգների նախագահ Դոնալդ Թրամփը կարծում է, որ հարկային բարեփոխման շնորհիվ, որը Կոնգրեսում ընդունման վերջին փուլում է, տնտեսական աճը կարագանա և երկիր կվերադարձնի ամերիկյան ընկերությունների կողմից արտասահմանում ներդրված դրամական միջոցները: Այս մասին հաղորդում է «ՌԻԱ նովոստին»։

«Չորս տրիլիոն դոլար կվերադառնա երկիր։ Դրանք այն փողերն են, որոնք երկար տարիներ «մնացել են»  արտասահմանում»,-  լրագրողների հետ ճեպազրույցի ժամանակ հայտարարել է նախագահ Թրամփը։

«Տնտեսությունն արդեն արձանագրել է 3 տոկոսանոց տնտեսական աճ։ Ոչ ոք չէր հավատում, որ դա հնարավոր է։ Կարծում եմ՝ մենք կարող ենք այդ ցուցանիշը հասցնել մինչև 4.5, անգամ՝ 6 տոկոսի։ Յուրաքանչյուր տոկոսային կետ 2.5 տրլն դոլար է։ Մենք վերադարձել ենք խաղի մեջ և շուտով իսկապես կդառնանք լավագույնը»,-հայտարարել է երկրի նախագահը։

Կոնգրեսում հանրապետականները մտադիր են հաջորդ շաբաթ ընդունել հարկային բարեփոխումները, որով նախատեսվում է կտրուկ նվազեցնել բիզնեսի հարկային բեռը և սահմանափակ հարկային արտոնություններ տալ ֆիզիկական անձանց կատեգորիաների մեծ մասին։