ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Թուրքիան հարևանների հետ շարունակում է թշնամական քաղաքականություն վարել. Գրետա Ավետիսյան

Թուրքիան շարունակում է իր թշնամական կեցվածքը հարևանների հետ: Օրերս հայ-թուրքական արձանագրությունների հետ կապված Թուրքիայի արտգործնախարարի հայտարարությունը դրա մասին է վկայում: Այս մասին «Նովոստի –Արմենիա» մամուլի կենտրոնում «Տարածաշրջանային զարգացումները 2017թ-ին» թեմայով տեղի ունեցած մամուլի ասուլիսի ժամանակ ասել է «Արմեդիա» ՏՎԳ գլխավոր խմբագիր Գրետա Ավետիսյանը:

«Թուրքիան խեղաթյուրում է իրականությունն ու փաստերը: Դեռևս 2009 թվականին, երբ Թուրքիան տապալեց Ցյուրիխյան գործընթացը, միջազգային հանրությունը, մի շարք երկրներ հանդես եկան հայտարարություններով՝ քննադատելով Թուրքիայի կողմից նախապայմաններ առաջադրելն ու գործընթացը տապալելը», - նշել է բանախոսը:

Նա նաև հավելեց, որ հայ-թուրքական արձանագրությունները Թուրքիայի իշխանությունների համար իմիտացիոն քաղաքականություն վարելու գործիք են եղել, և դա է պատճառը, որ ՀՀ նախագահը ՄԱԿ ԳԱ ամբիոնից հայտարարեց, որ եթե Թուրքիան այդ արձանագրությունները մինչև 2018թ-ի ապրիլ չվավերացնի, ապա Հայաստանը կհայտարարի դրանք առոչինչ:

«Հայաստանը չի կարող թույլ տալ Թուրքիային գերի վերցնել արձանագրությունները և ծառայեցնել սեփական շահերին միայն», - ասել է Գրետա Ավետիսյանը:

Շարունակելով խոսել հայերի նկատմամբ Թուրքիայի թշնամական քաղաքականության մասին՝ բանախոսը հիշեցրեց Թուրքիայի Մեջլիսի կողմից նոր ներքին կանոնների մասին, ըստ որոնց՝ Հայոց ցեղասպանություն և Քրդստան բառերի օգտագործումը պատգամավորների կողմից արգելվում է:

Բանախոսը նշեց, որ թշնամական քաղաքականություն է վարվում նաև քրդերի նկատմամբ՝ թե´ երկրի ներսում, թե´ երկրից դուրս, հատկապես Սիրայում:

«Քրդերի դեմ իրականացվող պայքարը տեղի է ունենում Էրդողանի իշխանությունը ամրապնդելու համատեքստում: «Սուլթանություն» ստեղծելու համար Էրդողանը ապրիլին սահմանադրական փոփոխություններ իրականացրեց, որից հետո էլ այդ «սուլթանությունն» ամրապնդելու համար սկսեց ակտիվ գործողություններ իրականացնել՝ ձերբակալելով և բռնաճնշումներ իրականացնելով հազարավոր մարդկանց նկատմամբ», - նշել է Գրետա Ավետիսյանը: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 30%
    Քամի՝ 1,03 կմ/ժ
    12 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: