ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ինչպե՞ս պատրաստել գլինտվեյն՝ ամանորյա տաք և անուշաբույր գինի

Նոր տարին և Սուրբ Ծնունդը այն «համեղ» տոներն են, որոնք ունեն իրենց ավանդական ուտեստներն ու ըմպելիքները: Դրանք բարձրացնում են մեր տրամադրությունը ձմռան անգամ ամենացուրտ օրերին:

Եվրոպայում նման ըմպելիքների շարքին է պատկանում տաք գինին՝ գլինտվեյնը կամ գլյուվայնը, որոնք հատկապես իրենց լայն տարածումն են գտել Գերմանիայում, Չեխիայում և Ավստրիայում:

Ըստ ավանդույթի՝ իսկական գլինտվեյնը ստեղծվել է հենց այս ցուրտ երկրներում, որտեղ անհրաժեշտ էր տաքանալ՝ ձմռանը ճամփորդելիս կամ քարակերտ ամրոցների սառը դահլիճներում նստելիս:

Սակայն գոյություն ունի այս ըմպելիքի ծագման մեկ այլ հետաքրքիր վարկած: Առասպելի համաձայն՝ իսպանական Լա Ռիոխա գավառում 1679 թվականի բերքի գինին այնքան անորակ է եղել, որ տեղական ֆեոդալները սկսել են ոչնչացնել գինեգործությամբ զբաղվող բնակավայրերը: Նրանց, սակայն, կարողացել է հանդարտեցնել հնարամիտ մի գյուղացի, ով թթված գինու հիմքով անուշաբույր ըմպելիք է պատրաստել՝ ավելացնելով մրգի կտորներ ու համեմունքներ:

Գլինտվեյն պատրաստելու համար հիանալի կերպով համապատասխանում են կարմիր չոր կամ կիսաչոր ոչ թունդ գինիները: Որոշ բաղադրատոմսերում գինուն ավելացնում են նաև կոնյակ կամ ռոմ: Ալկոհոլի պարունակությունը, ըստ գերմանացիների, գլինտվեյնում չպիտի ցածր լինի 7 %-ից: Գոյություն ունի գլինտվեյն պատրաստելու երկու հիմնական եղանակ. ջրով և անխառն:

Անխառն գլինտվեյն պատրաստելու համար հարկավոր է.

Մեկ շիշ կարմիր չոր կամ կիսաչոր գինի,

2 ճաշի գդալ մեղր,

1 նարինջ,

1 կիտրոն,

1 խնձոր,

2-3 դարչինի ձողիկ,

1 պտղունց մեխակ կամ հիլ,

3-4 հատիկ սև պղպեղ,

3-4 թեյի գդալ շաքարավազ,

1 պտղունց կոճապղպեղի փոշի:

Գինին լցնում ենք կաթսայի մեջ և թեթևակի տաքացնում: Նարինջն ու խնձորը մաքրում ենք կեղևից և կորիզներից, շերտերով կտրատում: Գինուն նախ ավելացնում ենք մեղրը, դարչինը, կիտրոնի քերուկը, մյուս համեմունքները, ապա տաքանալուց հետո՝ նաև մրգերը:

Որոշ բաղադրատոմսերում եփելու ընթացքում համեմունքներից ավելացնում են նաև ընկուզեղեն, չամիչ և դափնու տերև:

Հարկավոր է անընդմեջ խառնել ստացված զանգվածը: Ոչ մի դեպքում, սակայն, գլինտվեյնը չի կարելի եռացնել: Երբ այն տաքանում է մինչև 70-75 աստիճան, հանում ենք գազօջախից: Այս ըմպելիքը մատուցում են տաք վիճակում: Ցանկության դեպքում կարելի է գավաթը զարդարել մրգերով:

Բարի Ամանոր և Սուրբ Ծնունդ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: