Հայաստանցիներն ամենից շատ վստահում են բանակին և եկեղեցուն. հարցում

• 08.01.2018, 20:21
•  Հայաստան

Հետազոտական ռեսուրսների կովկասյան կենտրոն (ՀՌԿԿ)-Հայաստանի «Կովկասյան բարոմետր 2017» զեկույցի համաձայն՝ hայաստանցիների 77%-ը վստահում է ՀՀ զինված ուժերին, իսկ 74%-ը՝ դավանած կրոնական հաստատություններին:

Միևնույն ժամանակ հայաստանցիներ 66%-ը չի վստահում Ազգային ժողովին, իսկ 64%-ը նախագահին:

Վստահություն չվայելող պետական կառույցների շարքում են նաև կառավարությունը՝ 58%, դատական իշանությունը՝ 53%: 63%-ը չի վստահում քաղաքական կուսակցություններին, 38%-ը ՝ լրատվամիջոցներին, 33%-ը՝ բանկերին:

Հայաստանցիները նշվածներից ավելի շատ են վստահում կրթական և առողջապահական համակարգերին՝ համապատասխանաբար 48% և 40%: