Մխիթարյանը պրոֆեսիոնալ մոտեցում է ցուցաբերում թե մարզումներին, թե խաղերին. Արսեն Վենգեր

• 08.02.2018, 19:07
•  No-politics

Sky Sports

Անգլիայի առաջնության 27-րդ տուրում Լոնդոնի «Տոտենհեմի» հետ հանդիպելուց առաջ «Արսենալի» գլխավոր մարզիչ Արսեն Վենգերը գովեստի խոսքեր է ասել թիմի նորեկների, այդ թվում Հայաստանի հավաքականի ավագ Հենրիխ Մխիթարյանի մասին։Այս մասին փոխանցում է Armsport.am-ը՝ հղում կատարելով Mirror-ին։

«Մխիթարյանը շատ պրոֆեսիոնալ մոտեցում ունի մարզումներին և խաղերին: Այդ փաստն ինձ չի զարմացնում, դա լիովին բնական է:

«Էվերթոնի» հետ խաղը սկսելուց հետո Օբամեյանգը և Մխիթարյանը բարձրակարգ խաղ էին ցուցադրում: Նրանք գիտեն, թե ինչն է կարևոր և կենտրոնացած են դրա վրա:

Այդ տղաները թոփ մակարդակի են: Ինչո՞ւ նրանք չպետք է կրկնեն այն, ինչ արեցին «Էվերթոնի» հետ խաղի ժամանակ»,-  ասել է Վենգերը։