ԵՐԵՎԱՆ 11 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Չիլին ցանկանում է համագործակցել ԵԱՏՄ-ի հետ

president.am

Նախագահ Սերժ Սարգսյանին այսօր հավատարմագրերն է հանձնել Հայաստանի Հանրապետությունում Չիլիի Հանրապետության արտակարգ և լիազոր դեսպան Ռոդրիգո Նյետոն: Այս մասին ասվում է ՀՀ նախագահի պաշտոնական կայքում:
Հանրապետության Նախագահը, շնորհավորելով դեսպան Նյետոյին պաշտոնն ստանձնելու կապակցությամբ, մաղթել է հաջողություն դիվանագիտական առաքելությունն իրականացնելու գործում: Նշելով, որ այս տարի լրանում է երկու երկրների միջպետական հարաբերությունների հաստատման 25-ամյակը՝ Նախագահ Սարգսյանը գոհունակությամբ է խոսել այս ընթացքում արձանագրված արդյունքների և համագործակցության խորացման ուղղությամբ ձեռքբերումների մասին: Հանրապետության Նախագահի համոզմամբ՝ Հայաստանն ու Չիլին պետք է նոր եռանդով ամրապնդեն հարաբերությունները՝ օգտագործելով փոխգործակցության առկա ներուժի բոլոր հնարավորությունները:
Սերժ Սարգսյանը երկու երկրների հարաբերությունների խորացման գործում բարձր է գնահատել հայ համայնքի դերակատարությունը, որը, նրա գնահատմամբ, թեև փոքրաթիվ է, սակայն իր մասնակցությունն ունի Չիլիի գրեթե բոլոր ոլորտների զարգացմանը: Նախագահ Սարգսյանը շնորհակալություն է հայտնել Չիլիի իշխանություններին և ժողովրդին հայ համայնքի հանդեպ ցուցաբերվող ջերմ վերաբերմունքի համար: 
Հանրապետության Նախագահը կարևորել է միջխորհրդարանական կապերի ամրապնդումը՝ ընդգծելով, որ այդ կապերին առանձնակի բնույթ են հաղորդել 2007թ. Չիլիի Սենատի, իսկ այնուհետև` 2015թ. Պատգամավորների պալատի կողմից ընդունված Հայոց ցեղասպանության ճանաչման ու դատապարտման բանաձևերը:
Հանդիպման ընթացքում Նախագահը ջերմությամբ է հիշել 2014թ. Չիլի կատարած իր պաշտոնական այցը և նախագահ Միշել Բաչալետի հետ ունեցած արդյունավետ հանդիպումը:
Զրուցակիցները միջպետական հարաբերությունների ամրապնդման գործում երկուստեք կարևորել են նաև դիվանագիտական ներկայացուցչությունների բացումը միմյանց երկրներում: 
Դեսպան Նյետոն վստահեցրել է, որ իր պաշտոնավարման ընթացքում կանի ամեն հնարավորը առավել ամրապնդելու արդեն ձևավորված հայ-չիլիական բարձր մակարդակի երկկողմ հարաբերությունները:
Հանդիպմանն անդրադարձ է եղել երկուստեք հետաքրքրություն ներկայացնող ոլորտներում հայ-չիլիական համագործակցության ընդլայնման հնարավորություններին, որին կողմերի համոզմամբ, կարող է նպաստել նաև Հայաստանի ԵԱՏՄ անդամ լինելու հանգամանքը:
Այդ համատեքստում դեսպան Ռոդրիգո Նյետոն տեղեկացրել է, որ այժմ Չիլին ԵԱՏՄ-ի հետ ազատ առևտրի գոտու համաձայնագիր կնքելու բանակցություններ է վարում և պատրաստակամ է նման բանակցություններ վարելու նաև կազմակերպության առանձին անդամ պետությունների հետ:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 35%
    Քամի՝ 1,54 կմ/ժ
    11 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: