ԵՐԵՎԱՆ 0 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Եգիպտոսի խորհրդարանի պատգամավորները կոչ են արել ճանաչել Հայոց ցեղասպանությունը

EPA / UPG

Եգիպտոսի խորհրդարանի Պաշտպանության և ազգային անվտանգության հանձնախմբի նախագահի տեղակալ Յահիա Քիտվանին և Արտաքին հարաբերությունների հանձնախմբի քարտուղար Թարեք Խուլին կրկին արծարծել են 1915 թվականի հայերի կոտորածները որպես ցեղասպանություն ճանաչելու հարցը: «Արմենպրես»-ի հաղորդմամբ, այս մասին տեղեկացնում է Horizonweekly-ին:

Երկու պատգամավորները վկայակոչել են Նիդերլանդների խորհրդարանի օրինակը և Եգիպտոսի խորհրդարանից պահանջել են նմանօրինակ որոշում: Ըստ Քիտվանի՝ անհրաժեշտ է նման քայլ ձեռնարկել հակադարձելու համար Թուրքիայի շարունակվող ոտնձգություններին: Նա ավելացրել է, որ Հայոց կոտորածները պատմական իրողություն են, և բոլորն էլ պարտավոր են հստակ դիրքորոշում ունենալ:

Իր հերթին, Թարեք Խուլին լրատվամիջոցներին տված հարցազրույցում հայտնել է, որ Եգիպտոսը պատմության ականատեսն է՝ ապաստան տալով հայերին: «Ջարդերը վերապրածների թոռներն ապրում են մեզ հետ, հետևաբար Օսմանյան պետությունը վերակենդանացնելու ծրագրերը պետք է բացահայտել և փշրել Թուրքիայի հետապնդած ծավալապաշտական երազները»,-ասել է նա:

In English На русском

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան

    Խոնավություն՝ %
    Քամի՝ կմ/ժ
    0 C°
     
    0°  0° 
    23.11.2024
    0°  0° 
    24.11.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: