Հայտնի է ամենաշատը որ երկրներից են զբոսաշրջիկներ ժամանել Հայաստան

• 01.03.2018, 15:03
•  Հայաստան,  No-politics

HayMedia.am

Նախորդ տարի Հայաստան ժամանած զբոսաշրջիկների 23.4 տոկոսն ԱՊՀ երկրներից են եղել, 21.3 տոկոսը` ԵՄ երկրներից, 55.3-ն` այլ երկրներից:

Ազգային վիճակագրական ծառայության տվյալների համաձայն, Ռուսաստանից այցելած զբոսաշրջիկների մասնաբաժինն ամբողջի մեջ կազմել է 20.3 տոկոս, Ուկրաինայինը` 1.7: Գերմանիայից այցելածների մասնաբաժինը 4.7 տոկոս է, Ֆրանսիայից` 4.1, Միացյալ Թագավորությունից` 2.1, Նիդեռլանդներից` 0.7, Իրանից` 14.2, Միացյալ Նահանգներից` 13.6, Վրաստանից` 2.9, Կանադայից` 2.6, Թուրքիայից` 0.7 տոկոս:

2016-ի համեմատ 2017-ի 12 ամիսներին 2.2 անգամ աճել է ԱՄՆ-ից Հայաստան եկող զբոսաշրջիկների թիվը, 95.6 տոկոսով` Թուրքիայից ժամանածների, 84.2 տոկոսով` Կանադայից, 53.3 տոկոսով` Նիդեռլանդներից, 41.4 տոկոսով`Ռուսաստանից: 

2017 թվականի հունվար-դեկտեմբերին Հայաստան է ժամանել 1 միլիոն 494 հազար 779 զբոսաշրջիկ, աճը նախորդ տարվա համեմատ կազմռլ է 18.7 տոկոս: