Արմեն Սարգսյան. Ապրիլի 24-ին մենք՝ որպես ազգ, չենք կարող աշխարհի առջև դուրս գալ մասնատված (տեսանյութ)

• 23.04.2018, 14:57
•  Հայաստան

Радио Азатутюн

Ապրիլի 24-ը ազգային ողբերգության օրը լինելուց բացի մեր ազգային միասնության և պատվի օրն է, հետևաբար՝  մենք՝ որպես ազգ չենք կարող աշխարհի առջև դուրս գալ մասնատված։ Այս մասին այսօր՝ ապրիլի 23-ին ՀՀ նախագահական նստավայրում տեղի ունեցած խորհրդակցությունից հետո հայտարարել է ՀՀ նախագահ Արմեն Սարգսյանը, փոխանցում է News.am-ը։ 

Նշենք, որ խորհրդակցությանը մասնակցել են նաև ՀՀ վարչապետ Սերժ Սարգսյանը, առաջին փոխվարչապետ Կարեն Կարապետյանը և ԱԺ նախագահ Արա Բաբլոյանը:

«Մենք բոլոր խնդիրները կարող ենք լուծել բանակցելով, երկխոսելով, լուծումներ փնտրելով։ Որևէ մեկը չպետք է կասկածի, որ անկախ այսօրվա հսկայական խնդիրներից, երեկվա պրոբլեմներից, մենք պետք է միասնական լինենք»,-նշել է նախագահը։

Հարցին, թե նա մտահոգված չէ արդյոք երկրում ստեղծված իրավիճակով, Արմեն Սարգսյանն հայտնել է, որ շատ մտահոգված է. «Ես սահմանադրությամբ սահմանված նախագահի լիազորությունների սահմաններում անում եմ ամեն ինչ, որ այս վիճակը շտկվի, լուծում ստանա»։