ՀՀ ԱԺ փոխնախագահը հանդիպել է Հայաստանում Լեհաստանի դեսպանի հետ. առաջարկվել է կազմակերպել հայ-լեհական գործարար-համաժողովներ

• 30.05.2018, 18:49
•  Եվրոպա,  Հայաստան

ՀՀ ԱԺ փոխնախագահ Միքայել Մելքումյանը մայիսի 30-ին ընդունել է ՀՀ-ում Լեհաստանի Հանրապետության արտակարգ և լիազոր դեսպան Պավել Չեպլակին:

Ողջունելով դեսպանին` ՀՀ ԱԺ փոխնախագահը գոհունակությամբ փաստել է, որ հայ-լեհական միջխորհրդարանական հարաբերություններն արդյունավետ զարգանում են, ինչում նշանակալի դերակատարում ունեն պատգամավորական բարեկամական խմբերը:

Պավել Չեպլակը, շնորհակալություն հայտնելով ընդունելության համար, կարևորել է խորհրդարանական բարեկամական խմբերի աշխատանքը, փոխայցերի ակտիվացումը:

Հանդիպման ընթացքում քննարկվել են միջխորհրդարանական և տնտեսական կապերին, երկու երկրների միջև ապրանքաշրջանառության ծավալների մեծացման հնարավորություններին և ուղիներին վերաբերող հարցեր: Առաջարկվել է կազմակերպել հայ-լեհական գործարար-համաժողովներ:

Հանդիպմանը ներկա է եղել ՀՀ ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ Վարդևան Գրիգորյանը: