Գրոզնի քաղաքի 200-ամյակի կապակցությամբ միաժամանակ ամուսնացրել են 200 հարսնացուի (տեսանյութ)

• 06.10.2018, 14:56
•  Աշխարհ

© РИА Новости / Саид Царнаев

Գրոզնի քաղաքի 200-ամյակի կապակցությամբ Չեչնիայի մայրաքաղաքում տեղի է ունեցել միաժամանակ 200 հարսնացուի ամուսնության արարողակարգ:

Տոնակատարության առիթով քաղաքում «լովզար» կոչվող ավանդական հարսանեկան արարողությունն է անցկացվել, որն ուղեկցվում է պարերով, խաղերով և ծիսակարգերով։

Փեսացուների մոտիկ բարեկամների ուղեկցությամբ հարսնացուները շարքով անցել են Սրտերի ճեմուղիով՝ ձեռքներին ազգային կուժ բռնած։ 

Չեչնիայի ավանդույթների համաձայն` փեսացուն սեփական հարսանիքին ներկա չի գտնվում։

Ինչպես ՌԻԱ Նովոստիի թղթակցին են պատմել հարսանեկան տոնակատարությանը մասնակցող տարեցները, հարսնացուները ըստ ավանդույթի պետք է անցնեն «լեզուն բացելու» չեչենական հին արարողությունը, որից հետո միայն նրանք կկարողանան խոսել։

«Հարսը թամադային ջուր է մատուցում, նա աղջկանից խմելու թույլտվություն է հարցնում։ Դրական պատասխան ստանալուց հետո աղջկան կամ գումար, կամ նվեր են տալիս», - նշել է տոհմի տարեց ներկայացուցիչը։

Հրապարակում տոնախմբությունից հետո հարսներին ուղեկցել են փեսացուների տուն, որտեղ նրանց սպասելիս են եղել բազմաթիվ բարեկամներ և ընկերներ։