Գյուլենի շարժումն իր գործունեությունը կշարունակի ԱՄՆ-ում

• 21.11.2018, 11:50
•  Ամերիկա,  Տարածաշրջան,  Մերձավոր Արևելք,  Աշխարհ

Chris Post / AP

Թուրք ընդդիմադիր իսլամիստ քարոզիչ Ֆեթուլլահ Գյուլենի «Հիզմեթ» շարժման միջուկը հանդիսացող «Ընդհանուր արժեքների ալյանսը» (ASV) առանց որևէ սահմանափակման կշարունակի իր առաքելությունն ԱՄՆ-ում՝ չնայած Գյուլենին արտահանձնելու վերաբերյալ թուրքական կառավարության պահանջին: Այս մասին РИА Новости-ին հայտնել է ASV-ի գործադիր տնօրեն Ալպ Ասլանդողանը:

Ավելի վաղ Գյուլենի հնարավոր արտահանձման մասին հայտնել էր NBC հեռուստաալիքը՝ վկայակոչելով Վաշինգտոնում բարձրաստիճան աղբյուրին: Հեռուստաալիքի տվյալներով՝ այդ քայլը պատրաստվում է որպեսզի թուլացվի Թուրքիայի պահանջը սաուդցի ընդդիմադիր լրագրող Ջամալ Խաշոկջիի սպանության գործով: Ավելի ուշ պետդեպը հերքել է, որ Սպիտակ տունը մասնակցում է ԱՄՆ-ից Գյուլենի արտահանձման քննարկումներին:

Հիշեցնենք, Թուրքիայի իշխանությունները Գյուլենին մեղադրում են 2016 թվականին պետական հեղաշրջման փորձը կազմակերպելու մեջ: