Իրանի մշտական ներկայացուցիչը հայտարարել է, որ ԱԷՄԳ նիստը ԱՄՆ-ին անհրաժեշտ արդյունքներ չբերեց

• 11.07.2019, 15:42
•  Տարածաշրջան,  Մերձավոր Արևելք,  Աշխարհ

thestar.com.my

Վիեննայում միջազգային կազմակերպություններին կից Իրանի մշտական ներկայացուցիչ Քազեմ Ղարիբ Աբադին ասել է, որ ԱՄՆ-ը չի հասել ցանկալի արդյունքների Ատոմային էներգիայի միջազգային գործակալության (ԱԷՄԳ) Կառավարիչների խորհրդի հատուկ նստաշրջանում, որը հրավիրվել էր Իրանի միջուկային գործարքի պայմաններին հետևելու հարցով, տեղեկացնում է IRNA գործակալությունը։

Մշտական ներկայացուցչի խոսքով՝ ԱՄՆ-ը ցանկանում էր հրավիրել արտահերթ նիստ Իրանի կողմից միջուկային գործարքի կատարման հարցով, սակայն երկրների մեծ մասը չի աջակցել այդ առաջարկին։ «Երկրները միաձայն դատապարտել են ԱՄՆ դուրս գալը ԳՀՀԾ-ից և նշել, որ նման հանդիպումը համաձայնագրի դրույթների քննարկման վայր չէ։ Այդ հարցը պետք է լուծվի «5+1» խմբի նիստում»,- ասել է նա։

Իրանի ներկայացուցիչը նաև հայտարարել է, որ «հատուկ նստաշրջանում ԱՄՆ-ը մեկուսացման մեջ է հայտնվել և չի կարողացել ստանալ այն, ինչին ձգտում էր»։

«Միացյալ Նահանգները մտադիր էր օգտագործել հանդիպումը իր քաղաքական շահերն առաջ տանելու, Իրանին հակազդելու համար, բայց նրանց մոտ ոչինչ չստացվեց»,- ասել է Քազեմ Ղարիբ Աբադին։