Տեսեք իսկական հերոսներին․ նրանք հայտնի չեն, հարուստ չեն ու հաջողակ մարդիկ չեն. Հռոմի Պապը պատարագ է մատուցել Ծաղկազարդի օրը

• 06.04.2020, 10:54
•  Աշխարհ

CNN

Հռոմի Պապը պատարագ է մատուցել Ծաղկազարդի օրը Սուրբ Պետրոսի կիսադատարկ տաճարում: Այս մասին հաղորդում է CNN-ը։

Պատարագի ժամանակ նա ուղերձով դիմել է երիտասարդությանը՝ կոչ անելով նրանց չվախենալ,  ռիսկի դիմել կյանքով առաջնագծում  կորոնավիրուսի պանդեմիայի ժամանակ հանուն հարազատների։

«Տեսեք իսկական հերոսներին, որոնց մենք տեսնում ենք այսօր․ նրանք հայտնի չեն, հարուստ չեն ու հաջողակ մարդիկ չեն։ Նրանք մարդիկ են, որոնք զոհաբերում են սեփական անձը՝ ծառայելով ուրիշներին։ Համարեք, որ դուք կոչված են վտանգել ձեր կյանքն առաջնագծում։ Մի վախեցեք նվիրել ձեր կյանքն Աստծուն և ուրիշներին․ նա կհատուցի»,-հայտարարել է Հռոմի Պապը։

Սովորաբար Ֆրանցիսկոս Առաջինն այդ օրը ելույթ է ունենում հազարավոր զբոսաշրջիկների առաջ, սակայն այս անգամ ծիսակարգին ներկա էին միայն մի քանի հոգևոր ծառայողներ, միանձնուհիներ և զգալի չափով կրճատված երգչախումբ։