ԱՄՆ Ներկայացուցիչների պալատի խոսնակը Հայոց ցեղասպանության 105-րդ տարելիցի առթիվ հայտարարություն է տարածել

• 26.04.2020, 10:59
•  Ամերիկա,  Տարածաշրջան,  Աշխարհ,  Հայաստան

thehill.com

ԱՄՆ Ներկայացուցիչների պալատի խոսնակ Նենսի Փելոսին Հայոց ցեղասպանության զոհերի հիշատակին նվիրված հայտարարությամբ է հանդես եկել։

Այս կարևոր օրը՝ Օսմանյան կայսրության ղեկավարների կողմից 1.5 միլիոն հայ տղամարդկանց, կանանց ու երեխաների համակարգված բնաջնջումից 105 տարի անց, մենք հարգանքի տուրք ենք մատուցում Հայոց ցեղասպանության զոհերի ու վերապրածների հիշատակին: Անմեղ հայերի դեմ իրագործված բարբարոսության սարսափազդու գործողությունները մարդկության պատմության մեջ մնում են որպես բիծ ևմեր ժամանակներում նման վայրագությունների նկատմամբ զգոն լինելու պատասխանատվության սոսկալի հիշեցումն են:

Փաստերն անվիճելի են: Այնուամենայնիվ, հայերի սերունդները ստիպված են անողոք պայքարել նրանց դեմ, ովքեր փորձում են վերաշարադրել պատմությունը ևհերքել ճշմարտությունը Հայոց ցեղասպանության մասին: Ահա այդ պատճառով անցյալ տարի, ձայների ճնշող մեծամասնությամբ, ԱՄՆ Կոնգրեսը փորձեց ուղղել այս սարսափելի սխալը, վճռականորեն կանգնելով ազնվության կողքին ևՀայոց ցեղասպանության մասին ճշմարտությունը հավերժ դրոշմելով Կոնգրեսի զեկույցներում: 

Այսօր, երբ աշխարհը բախվում է աննախադեպ ճգնաժամի հետ, մենք պետք է մոբիլիզացնենք մեր ուժերը, որպեսզի հանդես գանք ընդդեմ խտրականության, ռասիզմի ևբռնության նողկալի երեւույթների, որտեղ ու երբ էլ դրանք տեղի ունենան:

Միասին մենք պետք է պնդենք մեր անցյալի ճշմարտությունը, դիմակայենք ատելության ուժերին մեր ներկայի մեջ ևառաջ մղենք հույսի ու խաղաղության օրհնությունները մեր ապագայի համար»,- նշվում է հայտարարության մեջ: