Հայտնի է առաջին կիսամյակի ՀՀ 1000 խոշոր հարկատուների ցանկը

• 20.07.2020, 13:36
•  Հայաստան

Պետական եկամուտների կոմիտեի կայքում հրապարակվել է 2020թ. հունվար-հունիս ամիսներին 1000 խոշոր հարկ վճարողների կողմից վճարված գումարների վերաբերյալ ցանկը: 1000 խոշոր հարկ վճարողների կողմից ընդհանուր առմամբ առաջին կիսամյակում վճարվել է ավելի քան 492 մլրդ 668 մլն դրամ: Հարկային մարմին կատարված վճարումների գումարը կազմել է ավելի քան 412 մլրդ 606 մլն, իսկ մաքսային մարմին կատարված վճարումների գումարը կազմել է ավելի քան 80 մլրդ 62 մլն դրամ:

Առաջին կիսամյակում 1000 խոշոր հարկ վճարողների ուցակը գլխավորել է «Գրանտ Տոբակոն», որը վճարել է 26,34 մլրդ դրամի հարկ՝ առաջ անցնելով «Գազպրոմ Արմենիայից», որը վճարել է 25,98 մլդր դրամի հարկ: Նշենք որ առաջին եռամսյակի արդյունքներով առաջատարը «Գազպրոմ Արմենիան» էր:

4-րդ հորիզոնականում է «Գեոպրոմայնինգ Գոլդ» ընկերությունը (12,77 մլրդ դրամ), որը առաջին եռամսյակի տվյալներով ընդամենը 11-րդ տեղում էր:

5-րդ տեղում «CPS oil»-ն է, որը վճարել է 9,68 մլրդ դրամի հարկ (ռաջին եռամսյակում 4-րդ հորիզոնականում էր):

6-րդ տեղում «Ինթերնեշնլ Մասիսի տաբակ»-ն է, որը վճարել է (առաջին եռամսյակում 3-րդ հորիզոնականում էր):

7-րդ հորիզոնականում է հայտնվել «Ֆլեշ»-ը (8 մլրդ դրամ), որը բարելավել է իր դիրքը մեկ հորիզոնականով:

8-րդ տեղում «Ֆիլիպ մորիս Արմենիա» ընկերությունն է, որը վճարել է 6,95 մրդ դրամի հարկ (առաջին եռամսնակում այս ընկերությունը 7-րդ տեղում էր):

9-րդ հորիզոնականը զբաղեցրել է «Հայաստանի էլեկտրական ցանցերը» (6,94 մլրդ դրամի հարկ): Այս ընկերությունը մեկ հորիզոնականով իջել է:

Ցանկի առաջին տասնյակը փակում է «ՄՏՍ Հայաստան» ընկերությունը, որը վճարել է 6,89 մլրդ դրամի հարկ: Առաջին եռամսյակում այս ընկերությունը 5-րդ հորիզոնականում էր: Անկումը նկատելի է: