«Լրտեսական սկանդալը» կարող է հարվածել ռուս-թուրքական գազային հարաբերություններին․ Biznes Alert

• 23.10.2020, 18:36
•  Տարածաշրջան,  Աշխարհ

Անկարան և Մոսկվան ցանկանում են ընդլայնել «Թուրքական հոսք» գազատարի շուրջ իրենց համագործակցությունը, սակայն վերջերս տեղի ունեցած «լրտեսական սկանդալի» հետևանքով նրանց միջև հարաբերությունները կարող են վատթարանալ, գրում է լեհական Biznes Alert հրատարակությունը։

Նշվում է, որ Թուրքիայի էներգետիկ ոլորտի աղբյուրներից Independent Commodity Intelligence Services (ICIS)վերլուծական ընկերության ստացված տեղեկություններից հայտնի է դարձել, որ թուրքական  BOTAS և Bosforus Gaz ընկերությունները ռուսական «Գազպրոմ»-ին գաղտնի տեղեկություններ են փոխանցել Սև ծովում գազային հանքավայրերի, գազի գնի և թուրքական շուկայում դրա տեղափոխման մասին։ Ավելին՝ սա տեղի է ունեցել այն ժամանակ, երբ թուրքական կողմից այլ գնորդներ հումքի ինքնարժեքի շուրջ բանակցություներ են վարել ռուսական կողմի հետ փոխանցում է Tert.am-ը։ 

Նշվում է, որ եթե Թուրքիայի ազգային հետախուզական կազմակերպությունը օրենքի խախտում արձանագրի, ապա այս ընկերությունները ստիպված կլինեն զրկվել գործունեություն ծավալելու արտոնագրից։ ICIS-ի փոխանցմամբ՝  ներկայացված մեղադրանքները, հնարավոր է, որ բավարար չհամարվեն նման դատավճռի կայացման համար։ 

Հայտնի է, որ այս երկու ընկերությունն էլ այժմ ահռելի ծավալների ներմուծման պայմանագրեր ունեն ռուսական կողմի հետ։  

BOTAS, Bosforus Gaz և «Գազպրոմ» ընկերությունները այս առնչությամբ հրաժարվել են մեկնաբանություններ տալ։