Այս ցույցերը միայն և միայն նպաստում են գերիների վերադարձին և ոչ հակառակը. Վազգեն Մանուկյան

• 09.03.2021, 23:27
•  Աշխարհ,  Հայաստան

Բոլորն անհամբեր սպասում են, որ նախագահը պետք է իրեն պահի նախագահի պես, այս մասին այսօր հանրահավաքին ասել է «Հայրենիքի փրկության շարժման» վարչապետի թեկնածու Վազգեն Մանուկյանը՝  ԳՇ անդրադառնալով պետի շուրջ ստեղծված իրավիճակում ՀՀ նախագահ Արմեն Սարգսյանի գործողություններին, հայտնում է Tert.am-ը: 

«Այն, որ ինքը ոչ մի բան չարեց, բերեց իրավիճակի սրացման, մենք դեռ պլան Ա-ի մեջ ենք, սա անհնազանդություն է խաղաղ բնակիչների, և կարծում եմ՝ այս գործողությունն ավելի շատ մարդկանց համոզեց, որ այդ վիճակը երկար պահել հնարավոր չէ»,- ասել է նա:

Վազգեն Մանուկյանը նշել է, որ Սահմանադրությունում գրված է, որ Գլխավոր շտաբի պետը նշանակովի պաշտոն է և հինգ տարով ժամկետով է նշանակվում, հետևաբար՝ ԳՇ պետի ազատման մասին Նիկոլ Փաշինյանի հրամանագիրը մասին լրիվ անօրինական է:

«Այսինքն՝ այն, ինչ անում է Նիկոլ Փաշինյանը սահմանադրական կարգի հերթական տապալումն է: Ես գտնում եմ, որ Նիկոլ Փաշինյանի օրոք ընտրություններ անցկացնել չի կարելի, և բացարձակապես համաձայն չեմ, որ չի կեղծվելու, ամբողջ մեր կյանքն է կեղծված, բնական է, որ կեղծվելու է»,- ասել է նա և նշել, որ օրեցօր Նիկոլ Փաշինյանի վարկանիշն ընկել է:

Վազգեն Մանուկյանը նշել է, որ Իլհամ Ալիևին ձեռնտու է, որ Նիկոլ Փաշինյանը մնա իշխանության: «Դա նշանակում է, որ ընդհակառակը ինքը այս ցույցերից վախենալով, որ այս իշխանությունը փոխվելու է, կարող է ժեստ անի և մի քանի գերի նույնիսկ ավելի վերադարձնի: Այսինքն՝ այս ցույցերը միայն և միայն նպաստում են գերիների վերադարձին և ոչ հակառակը»,-ասել է նա:

Վազգեն Մանուկյանը նկատել է, որ, այնուամենայնիվ, պատերազմով Արցախի հարցը չլուծվեց և Արցախի հարցը կախված կմնա մինչև չգտնվի բնական լուծում, իսկ բնական լուծումը պետք է ազգերի ինքնորոշման սկզբունքի վրա հիմնված լինել: