Ընդդիմադիր պատգամավորները բոյկոտեցին ԱԺ նիստերն ու մեկնեցին Արցախ

• 12.04.2022, 10:35
•  Աշխարհ,  Հայաստան,  ԼՂՀ

Photolure.am

Այսօր մեկնարկեց ԱԺ հերթական քառօրյան։ Սակայն ընդդիմադիր՝ «Հայաստան» և «Պատիվ ունեմ» խմբակցությունները  հանդես եկան հայտարարություններով, որ չեն մասնակցելու այս քառօրյային ու քվեարկություններին և լքեցին նիստերի դահլիճը, փոխանցում է Panorama.am-ը։

«Հայաստան» խմբակցության  ղեկավար Սեյրան Օհանյանը հայտարարեց, որ իրենք մեկնում են Արցախի Հանրապետություն և ՀՀ սահմանամերձ մարզեր՝ լինելով մեր հայրենակիցների հետ անմիջական շփումների մեջ այնտեղ, որտեղ այսօր մեր երկրի առաջնահերթ օրակարգն է։

Այնուհետև նա Արցախի Հանրապետության դրոշը տեղադրեց ԱԺ ամբիոնի վրա՝ նշելով՝ «պաշտպանելով Արցախը պաշտպանում ենք Հայաստանը»։

«Պատիվ ունեմ» խմբակցության քարտուղար Հայկ Մամիջանյանը նույնպես հայտարարեց, որ հիմք ընդունելով ԱԺ կանոնակարգ օրենքը, «Պատիվ ունեմ» խմբակցությունը չի մասնակցելու այս քառօրյային՝ մեկնելով Արցախ՝ լինելու մեր հայրենակիցների կողքին։