Հայաստանում ծագումով ադրբեջանցի պահվող անձինք չկան. ԿԽՄԿ

• 05.05.2022, 16:00
•  Տարածաշրջան,  Աշխարհ,  Հայաստան

report.ge

Հայաստանում հակամարտության հետ կապված ադրբեջանական ծագմամբ անձինք չկան, որոնց Կարմիր խաչի միջազգային կոմիտեի (ԿԽՄԿ) ներկայացուցիչները կարող էին այցելել։ NEWS.am-ի փոխանցմամբ այս մասին լրագրողներին ասել է ԿԽՄԿ Բաքվի գրասենյակի հասարակայնության հետ կապերի բաժնի ղեկավար Իլահա Հուսեյնովան, հայտնում է haqqin.az-ը։

Հուսեյնովան նշել է, որ այս պահին կողմերը Ղարաբաղյան առաջին պատերազմի ժամանակներից պահվող անձինք չունեն. «Սակայն 2020 թվականի հակամարտության հետ կապված կան հայկական ծագում ունեցող անձինք, ԿԽՄԿ-ի ներկայացուցիչները շարունակում են այցելել նրանց։ Ենթադրվում է, որ և՛ Հայաստանում, և՛ Ադրբեջանում դեռ պահվում են Ղարաբաղյան առաջին պատերազմի ժամանակներից կորած համարվող անձինք։ Սակայն երկու կողմերն էլ պաշտոնապես հայտարարել են, որ իրենց մոտ 1990-ականներից պահվող անձինք չկան»։