44-օրյա պատերազմի գործերով 300-ից ավելի ահաբեկիչներ են նույնականացվել. ՀՀ ՔԿ նախագահ

44-օրյա պատերազմի ընթացքում առնվազն 12 ահաբեկչական խմբավորումների անդամ 4000–ից ավելի անձանց վերաբերյալ փաստական տվյալներ են ձեռք բերվել։ Նրանցից շուրջ 300 ահաբեկիչներ նույնականացվել են։ Հայաստանի հանրային հեռուստաընկերության եթերում հայտնեց ՀՀ քննչական կոմիտեի նախագահ Արգիշտի Քյարամյանը։

Նրա խոսքով` մեծ մասի նկատմամբ քրեական հետապնդում է հարուցվել, փոխանցում է Սպուտնիկ Արմենիան։

Քյարամյանը հայտնեց, որ բոլոր հանգամանքները փաստագրվել, հիմնավորվել են և նաև օգտագործվում են միջազգային հարթակներում։

Ադրբեջանի ռազմաքաղաքական ղեկավարության կողմից առերևույթ հանցագործություններ կատարելու առթիվ քրգործեր են հարուցվել ինչպես Արցախյան 44-օրյա պատերազմին վերաբերող, այնպես էլ հետագայում 2021 թ. մայիսի, նոյեմբերի ներխուժումներով պայմանավորված, 2022թ. սեպտեմբերյան դեպքերով, քրեական վարույթներ կան նաև Հին թաղեր–Խծաբերդի դեպքերով պայմանավորված։