Սերգեյ Լավրովը Ջեյհուն Բայրամովի հետ հեռախոսազրույցում ընդգծել է Լաչինի միջանցքը շուտափույթ ապաշրջափակելու անհրաժեշտությունը

• 17.01.2023, 20:16
•  ԵԱՏՄ,  Տարածաշրջան,  Աշխարհ,  ԼՂՀ

Հունվարի 17-ին հեռախոսազրույց է տեղի ունեցել ՌԴ ԱԳ նախարար Սերգեյ Լավրովի և Ադրբեջանի ԱԳ նախարար Ջեյհուն Բայրամովի միջև, տեղեկացնում է ՌԴ ԱԳՆ մամուլի ծառայությունը, փոխանցում է Aysor.am-ը։

«Կողմերը քննարկել են երկկողմ և տարածաշրջանային օրակարգի մի շարք արդիական հարցեր։

ՌԴ ԱԳ նախարար Սերգեյ Լավրովն ընդգծել է Լաչինի միջանցքի երկայնքով երթևեկության շուտափույթ վերականգնման անհրաժեշտությունը՝ 2020 թվականի նոյեմբերի 9-ի եռակողմ հայտարարությամբ ամրագրված դրույթների համապատասխան։

Ընդգծվել է նաև հարակից հարցերի շուրջ փոխընդունելի լուծումների հասնելու կարևորությունը՝ հայ-ադրբեջանական կարգավորման գործընթացի առանցքային կետերի շուրջ համալիր աշխատանքը վերսկսելու նպատակով»,- նշված է ՌԴ ԱԳՆ հաղորդագրությունում։