ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ռուսաստանում ստեղծվել է ԱԹՍ-ներից և նավերից արձակվող հրթիռ

© РИА Новости / Виталий Аньков

Ռուսաստանում ստեղծվել է միջտեսակային բազմանպատակային Х-МД-Э հրթիռը, որը կարող է գործի դրվել անօդաչու թռչող սարքերից և նավերից:

«Արմենպրես»-ի փոխանցմամբ՝ այս մասին գրում է «Национальная оборона» հանդեսը «Մարտավարական հրթիռային սպառազինություն» կորպորացիայի (ՄՀՍԿ) գլխավոր տնօրեն Բորիս Օբնոսովի 70-ամյակին նվիրված հոդվածում:

ՄՀՍԿ-ն Ռուսաստանի Դաշնությունում ավիացիոն հրթիռային զենքի գլխավոր մշակողն է։

«Նոր արտադրանքների վրա աշխատելիս ՄՀՍԿ-ի կոնստրուկտորները լիովին հաշվի են առնում ժամանակի պահանջները: Այսպես, ԱԹՍ-ների համար, որոնք վերջերս զարգացման հզոր խթան են ստացել, ստեղծվել Է միջտեսակային բազմանպատակային ինքնանշանառու Х-МД-Э հրթիռը, որը կարող է կիրառվել անօդաչու թռչող սարքերից և վերջրյա նավերից», - ասվում է հոդվածում։

«Հետագայում լոկալ հակամարտություններում բարձր ճշգրտության զենքի դերը միայն կաճի: Մեր կոնստրուկտորները հաշվի են առնում բարձր ճշգրտության զենքի զարգացման բոլոր միտումները: Սա անցում է դեպի գերբարձր արագություններ և գերձայն, հզորության բարձրացում, ուղղորդման ճշգրտություն ու արագություն, չափերի փոքրացում: Մենք կատարելագործում ենք զինամթերքի ինտելեկտը, ընդհուպ մինչև զենքի ցանցային ինտելեկտուալ համակարգերի ստեղծում», - հոդվածում մեջբերվում Է Օբնոսովի խոսքը։

Բաց աղբյուրների տվյալներով՝ Х-МД-Э-ն թույլ է տալիս օրվա ցանկացած պահի խոցել առանձին փոքրաչափ և խմբային թիրախներ: Հրթիռի մեկնարկային քաշը 110 կիլոգրամ է, բեկորաֆուգասային մարտական մասը կշռում է 30 կիլոգրամ։ Х-МД-Э-ն կարող է խոցել մինչև 40 կիլոմետր հեռավորության վրա գտնվող թիրախներ:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: