ԵՐԵՎԱՆ 27 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Լեռնային Ղարաբաղում ՌԴ խաղաղապահներին այլընտրանք այժմ չկա․ Կոպիրկին

Լեռնային Ղարաբաղում ՌԴ խաղաղապահներին այսօր այլընտրանք չկա, «Իրավունք» թերթի հետ զրույցում ասել է Հայաստանում ՌԴ դեսպան Սերգեյ Կոպիրկինը, փոխանցում է Sputnik Արմենիա-ն:
«Ես համոզված եմ, և դա Ռուսաստանի Դաշնության դիրքորոշումն է, որ Լեռնային Ղարաբաղում ռուսական խաղաղապահ զորախումբը, չնայած բոլոր կշտամբանքներին, իսկապես կատարում է իր առջև դրված խնդիրները», - ասել է Կոպիրկինը:
Նա ընդգծել է, որ խոսքը վերաբերում է ինչպես անվտանգության ապահովմանը, այնպես էլ Լեռնային Ղարաբաղի հայ բնակչության կենսագործունեության ապահովմանն աջակցելուն ու լայնածավալ էսկալացիայի կանխարգելմանը:
«Դա իրագործվում է։ Ես այսօրվա դրությամբ չեմ տեսնում մի ուժ, որը կարող էր այդ դերը կատարել Լեռնային Ղարաբաղում», - ասել է Կոպիրկինը։
ՀՀ-ում ՌԴ դեսպանը նաև նշել է, որ եթե խոսվի հեռանկարի մասին, ապա ինչ-որ ուժեր մտցնելու համար պետք է բոլոր կողմերի համաձայնությունը։
Բացի այդ, Կոպիրկինի խոսքով, հաշվի առնելով միջազգային խաղաղապահ առաքելությունների կիրառման փորձը, չարժե էյֆորիայի մատնվել տարբեր տեսակի միջազգային և այլ կառույցների խաղաղպահ առաքելություններ ներգրավելու հնարավորությունների դեպքում: Մասնավորապես, առկա է Ուկրաինայի, Հարավսլավիայի փորձը։
«Այս փորձը ցույց է տալիս, որ ինչ-որ միջազգային ներկայություն ոչ մի կերպ չի հանդիսանում առկա խնդիրների համադարման միջոց և միշտ չէ, որ նպաստում է դրանց լուծմանը»,- նշել է Կոպիրկինը։
ՌԴ դեսպանը կոչ է արել իրավիճակին նայել ավելի իրատեսական և սթափ։

На русском

Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 15%
    Քամի՝ 1,54 կմ/ժ
    27 C°
     
    29°  17° 
    26.04.2024
    29°  17° 
    27.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: