Երեկո՝ ի աջակցություն Հայաստանի և Արցախի. Փարիզում կայացել է «Հայաստանը՝ կյանքի ճանապարհ» միջոցառումը

• 30.06.2023, 11:40
•  Եվրոպա,  Աշխարհ,  Հայաստան,  ԼՂՀ,  Սփյուռք

Հայաստանին և Արցախին աջակցելու նպատակով հունիսի 28-ին Փարիզի «Գավո» համերգասրահում տեղի է ունեցել «Հայաստանը՝ կյանքի ճանապարհ» (Arménie, la route de la vie) խորագրով ուշագրավ երեկոն:

Ֆրանսիայում ՀՀ դեսպանությունը հայտնում է, որ դեսպանության, Արցախի ներկայացուցչության և «Արցախի բարեկամների» խմբի նախաձեռնությամբ կազմակերպված եզակի երեկոյին Արցախի՝ արդեն 200 օր շարունակվող շրջափակման մասին ահազանգելու նպատակով ֆրանսիացի մոտ երկու տասնյակ արվեստի գործիչ բարձրաձայնել են աշխարհից մեկուսացված արցախահայության խոսքը և նրանց հուզիչ նամակների ընթերցման միջոցով հանդիսատեսին են ներկայացրել արցախահայերի՝ գոյաբանական մարտահրավերներով լեցուն առօրյան ու նրանց ապրումները։