Ֆրանսիայի Սենատի նախագահը Ռամբույեում կմասնակցի Հայաստանի վերաբերյալ քննարկմանը

• 13.03.2016, 11:06
•  Հայաստան,  Սփյուռք

Ֆրանսիայի Իլ­դե­ Ֆրանս նահանգի Ռամբույե քաղաքում մեկնարկում են Հայաստանին նվիրված կլոր­ սեղան քննակումներ: Ինչպես հաղորդում է «Արմենպրես»­ը` վկայակոչելով Nouvelles d’Armenie­-ն, Մերկուր հյուրանոցում անցկացվող քննարկումների մեկնարկին ներկա են գտնվելու նաև Ֆրանսիա Սենատի նախագահ Ժերար Լարշեն և Ռամբույեի քաղաքապետ Մարկ Ռոբերը: Քննարկումները տևելու են մեկ շաբաթ: Երեք հիմական կլոր­սեղաններից առաջինը նվիրված է հայկական մշակույթին և վերնագրված է «Ինչպե՞ս է Հայաստանը վերակենդանում և գրում իր պատմությունը», որի բանախոսներն են Անտուան Ագուջյանը, Նատալի Բարավյանը և Քրիստինա Գալստյանը: Երկրորդ քննարկումը նվիրված է Հրանտ Դինքի հիշատակին և վերնագրված է «Հարգանքի տուրք Հրանտ Դինքին», որի ընթացքում ֆրանսահայ հասարակական­քաղաքական գործիչ Ալեքսիս Գովչյանը կանդրադառնա Դինքի գործունեությանը և թողած ժառանգությանը: Երրորդ քննարկումը նվիրված է Հայաստանի աշխարհաքաղաքականությանը, որին կմասնակցեն Ֆրանսիայի Սենատի նախագահ Ժերար Լարշեն, Փարիզի համալսարանից պատմության դոկտոր Իվ Տերնոնը, Ֆրանսիական աշխարհաքաղաքականության ինստիտուտի աշխատակից, պատմաբան Ռայմոն Գևորգյանը և Ալեքսիս Գովչյանը: