Էրդողանի կուսակցությունն ավելի բռնատիրական է դառնում. Օրհան Փամուկ

• 23.08.2017, 17:59
•  Տարածաշրջան,  Աշխարհ

St. Louis Post-Dispatch

Անցյալ տարվա հեղաշրջման փորձից հետո Էրդողանի կուսակցությունն ավելի ու ավելի բռնատիրական է դառնում: CNN-ին տված հարցազրույցում այս մասին հայտարարել է թուրք գրող, Նոբելյան մրցանակակիր Օրհան Փամուկը:

Նրա կարծիքով՝ թուրքական ընդդիմությունը պետք է ավելի մեծ ջանքեր գործադրի, քանի որ Թուրքիայի բնակչության 49%-ը «ոչ» է ասում Էրդողանին:

Փամուկը նշել է, որ Թուրքիայի խնդիրը լիբերալների պակասը չէ. թուրքերը լիբերալ գաղափարներ ունեն: «Թուրքիայում լարված պայքար և բևեռացում կա»,- նշել է գրողը:

Պատասխանելով հարցին, արդյո՞ք վերջին ճնշումների ֆոնին անհանգստանում է իր ապագայի համար, Փամուկը նշել է. «Ես անհանգստանում եմ բոլորի համար, բայց սա անձնական գործ չէ: Թուրքիայում ավելի ու ավելի է փոքրանում տարածությունը խոսքի ազատության համար, բայց ես լավատեսորեն եմ տրամադրված: Էրդողանի կուսակցության օգտին տրվող ձայների թիվը կրճատվում է, և ընդդիմությունը կարող է դիմադրել»: