Կինոռեժիսոր և սցենարիստ Գեորգի Դանիելիան հոսպիտալացվել է

• 24.02.2019, 10:15
•  No-politics

Կինոռեժիսոր Գեորգի Դանելիան հոսպիտալացվել է Մոսկվայում: NEWS.am-ի փոխանցմամբ, այս մասին հայտնել է ռեժիսորի կինը «Զվեզդա» հեռուստաալիքին տված հարցազրույցին:

Ըստ նախնական տեղեկությունների՝ Դանելիայի հոսպիտալացման պատճառը պնեվմոթորաքսն է՝ թոքամզային խոռոչում օդի կուտակումը:

Նշվում է, որ 88-ամյա ռեժիսորը դիմել էր բժիշկներին շնչահեղձության նոպայի պատճառով:

Գեորգի Դանելիան խորհրդային և ռուսական կինոռեժիսոր է և սցենարիստ: Նրա առավել հայտնի գործերն են «Ես քայլում եմ Մոսկվայով», «Հաջողության ջենթլմենները», «Մի վշտանա», «Աֆոնյա», «Միմինո» և «Քին-ձա-ձա» ֆիլմերը: