Ադրբեջանը լայնամասշտաբ զորավարժություններ է սկսում

• 08.03.2019, 19:13
•  Տարածաշրջան,  Աշխարհ

Մարտի 11-15-ը Ադրբեջանում լայնամասշտաբ զորավարժություններ կանցկացվեն, այս մասին հայտնում է News.am-ը՝ հղում անելով ադրբեջանական լրատվամիջոցներին։

Աղբյուրի փոխանցմամբ՝ զորավարժություններին կմասնակցեն 10 հազար զինծառայող, 500 միավոր տանկ, զրահատեխնիկա, այդ թվում՝ ավտոմեքենաներ և հատուկ տեխնիկա, տարբեր տրամաչափի 300 հրթիռահրետանային սարքեր, համազարկային կրակի ռեակտիվ համակարգեր և նռնականետեր, տարբեր նշանակության 20 միավոր բանակային և մարտական ավիացիա։ Զորավարժությունների ընթացքում զորքերը կկատարեն հարձակողական գործողությունների նախապատրաստման, մի քանի ուղղություններով պայմանական հակառակորդին հարված հասցնելու, նրա պաշտպանությունը ճեղքելու և ռազմական խմբավորումները ջախջախելու, ինչպես նաև հակառակորդի պաշտպանության խորքում գտնվող ռազմական և ռազմավարական օբյեկտներին հրթիռահրետանային հարվածներ հասցնելու առաջադրանքներ։