ՄԻԵԴ-ը հարցում է ստացել Հայաստանից՝ Թուրքիայի դեմ քայլեր ձեռնարկելու պահանջով

Մարդու իրավունքների եվրոպական դատարանը (ՄԻԵԴ) Հայաստանից հարցում է ստացել Արցախյան հակամարտության սրման ֆոնին Անկարայի կողմից Բաքվին ռազմական օգնության տրամադրման հարցով Թուրքիայի դեմ քայլեր ձեռնարկելու վերաբերյալ, գրում է ՏԱՍՍ գործակալությունը՝ հղում տալով դատարանի մամուլի ծառայության հայտարարությանը։ 

«Այո, մենք Հայաստանից Թուրքիայի դեմ միջոցների ձեռնարկման մասին հարցում ստացել ենք: Գործող կանոնների համաձայն՝ այդ հարցման բովանդակության վերաբերյալ որևէ բան ձեզ հայտնելու իրավունք չունեմ»,- նշել է ՄԻԵԴ մամուլի ծառայության ներկայացուցիչը: Նա նաև չի մանրամասնել, թե կոնկրետ երբ է քննարկվելու հարցումը: Ըստ դատական փորձի՝ նման գործընթացների համար սովորաբար մի քանի օր է հատկացվում: