Հակառակորդի ԱԹՍ-ները կիրառվում են թե՛ որպես հարվածային, թե՛ տեղորոշիչ. Արծրուն Հովհաննիսյան

• 15.10.2020, 00:18
•  Տարածաշրջան,  Աշխարհ,  Հայաստան,  ԼՂՀ

Քանի որ հաճախ անօդաչու թռչող սարքերը և հատկապես որպես ԱԹՍ կիրառվող An-2 միջոցները խոցվում են մինչև մեր սահմանին մոտենալը, դժվար է հստակ իդենտիֆիկացնել՝ քանիսն են խոցվել մինչ օրս, հատկապես, երբ դրանք խոցվել են տարբեր բարձրույթունների և հեռավորությունների վրա, մամուլի ասուլիսի ժամանակ ասել է ՀՀ ՊՆ ներկայացուցիչ Արծրուն Հովհաննիսյանը, փոխանցում է Aysor.am-ը: 

«Մենք սկզբում հավաստանշել էինք, որ An-2-ներն օգտագործվում են, որպեսզի մեր ՀՕՊ համակարգերի տեղորոշումները մատնեն, որ այլ փոքր ԱԹՍ-ները հարված հասցնեն, բայց, ընդհանուր առմամբ, եղել են դեպքեր, որ խոցելուց հետո դրանք պայթել են շատ մեծ ուժգնությամբ մարտական մասերով լիցքավորված, ինչը նշանակում է, որ դրանք օգտագործվել են նաև որպես հարվածային», - ասել է Արծրուն Հովհաննիսյանը