Ռուսաստանից գնված Ս-400-ը կօգտագործվեն «ճիշտ տեղում և ճիշտ ժամանակին». Թուրքիայի Պնախարար

• 17.11.2021, 17:37
•  Տարածաշրջան,  Աշխարհ

Ռուսաստանից գնված Ս-400 զենիթահրթիռային համակարգերը կօգտագործվեն «ճիշտ տեղում և ճիշտ ժամանակին», հայտարարել է Թուրքիայի պաշտպանության նախարար Հուլուսի Աքարը, փոխանցում է «ՌԻԱ Նովոստի»-ն: 

«Դուք հարցնում եք, թե որտեղ է հիմա Ս-400-ը. եղե՞լ է օդային հարձակում, որում մենք չենք օգտագործել Ս-400, բոլորը պետք է իմանան, որ Ս-400-ը կօգտագործվի ճիշտ տեղում և ճիշտ ժամանակին»: Աքարն ասել է խորհրդարանում՝ պատասխանելով պատգամավորների հարցերին։

Նա հավելել է, որ Անկարան բազմիցս հայտարարել է իր պատրաստակամության մասին պարզաբանել ԱՄՆ-ի պահանջների «անհիմն լինելը» Ս-400-ի վերաբերյալ, որոնք պաշտպանական համակարգեր են և Թուրքիայի կողմից կկիրառվեն այնպես, ինչպես ՆԱՏՕ-ի այլ երկրների հետ սպասարկվող Ս-300 համակարգերը։