Լավրով-Բլինկեն հանդիպումը տևել է 40 րոպե

• 02.12.2021, 16:32
•  ԵԱՏՄ,  Ամերիկա,  Աշխարհ

Ստոկհոլմում ավարտվել է ՌԴ ԱԳ նախարար Սերգեյ Լավրովի և ԱՄՆ պետքարտուղար Էնթոնի Բլինկենի հանդիպումը, որը տևել է մոտ 40 րոպե։ Այս մասին գրում է «ՌԻԱ Նովոստի» գործակալությունը։

Բանակցություններն ընթացել են ԵԱՀԿ նախարարական նիստի շրջանակներում։ 

Հանդիպման սկզբում ներածական խոսքով հանդես են եկել դիվանագիտական ​​գերատեսչությունների ղեկավարները, որից հետո բանակցությունները շարունակվել են մամուլի համար փակ ձևաչափով։

Սա արտաքին հարաբերությունների գերատեսչությունների ղեկավարների երկրորդ հանդիպումն է մեկ տարվա ընթացքում։ Առաջինը տեղի է ունեցել մայիսին Ռեյկյավիկում՝ Արկտիկական խորհրդի նախարարական հանդիպման շրջանակում։ Այն տևել է մոտ երկու ժամ։