Սպառողական գների ինդեքսն այս տարվա առաջին եռամսյակում կազմել է 7,8 %

Այդ թվում՝

Սպառողական գների ինդեքսն այս տարվա առաջին եռամսյակում կազմել է 7,8 %, սա՝ 2021թ. 5,2 % -անոց գնաճի նկատմամբ: Ի գիտություն…

Արտաքին առևտրաշրջանառության աճը՝ 38,5 %, 2021 թ.-ի հունվար-մարտի բացասական՝ - 4,4 %-ի նկատմամբ: Չենք կարող հաշվի չառնել նաև գնաճը (ցուցանիշը հաշվարկվում է ընթացիկ գներով):

Հունվար-մարտին արդյունաբերության ցուցանիշի աճը կազմել է 3,1 %, այնինչ այս տարվա մարտը 2021թ.-ի մարտի նկատմամբ անկումային է – 6,9 %:

Մտահոգիչ է գյուղատնտեսության ցուցանիշի անկումը, հունվար- մարտին նախորդ տարվա առաջին եռամսյակի համեմատ ՝ -5,4 %:

Աճ են արձանագրել նաև առևտրի և ծառայությունների ցուցանիշները՝ 7,6 % և 22,2 % համապատասխանաբար: 2021թ.-ի առաջին եռամսյակը երկու ցուցանիշների համար էլ բացասական է եղել՝ -5,6% և -8,1 % համապատասխանաբար:

Այսպիսով,

Դրական է տնտեսական ակտիվության ցուցանիշի աճը, միևնույն ժամանակ չենք կարող չանդրադառնալ դրան նպաստող մի քանի կարևոր գործոնների.

Նախորդ տարվա նույն ժամանակահատվածի բացասական աճը, այստեղից՝ բազային էֆեկտը

Գնաճը

Աշխարհաքաղաքական գործընթացների արդյունքում Հայաստան ժամանած մեծ հոսքերը:

Ընդհանուր առմամբ, կանխատեսելի էֆեկտ է, լավ է, բայց տնտեսության վերականգնման տեսանկյունից բավարար չէ»: