Եվրոպական կենտրոնական բանկն առաջին անգամ 11 տարվա ընթացքում կբարձրացնի տոկոսադրույքը

• 09.06.2022, 18:22
•  Եվրոպա,  Աշխարհ

Եվրոպական կենտրոնական բանկն առաջին անգամ 11 տարվա ընթացքում հուլիսին կբարձրացնի տոկոսադրույքը, այնուհետև սպասվում է ևս մեկ բարձրացում սեպտեմբերին, տեղեկացրել է AP-ը։

Երկու քառորդ կետով տոկոսադրույքի բարձրացման մասին անսպասելի հայտարարությունն արվել է այն բանից հետո, երբ բանկի դրամավարկային քաղաքականության խորհուրդը հավաքվել է Ամստերդամում և հայտարարել, որ գնաճը «լուրջ խնդիր» է դարձել, փոխանցում է ՏԱՍՍ-ը։

ԵԿԲ-ն չի բացառել, որ սեպտեմբերին էլ ավելի արմատական բարձրացում կանի կես տոկոսով, այլ ոչ թե սովորական քառորդ կետով՝ հայտարարելով, որ եթե գնաճի կանխատեսումը պահպանվի կամ վատանա, «ավելի մեծ բարձրացումը սեպտեմբերին տեղին կլինի»։

ԱՄՆ Դաշնային պահուստային համակարգը առանցքային տոկոսադրույքը մայիսի 4-ին բարձրացրել է կես կետով և պահպանել զգալի բարձրացման հեռանկարը։ Անգլիայի բանկը դեկտեմբերից ի վեր չորս անգամ հավանություն է տվել բարձրացմանը։

Կենտրոնական բանկի տոկոսադրույքի արագ բարձրացման հեռանկարը ջղաձգության է մատնել ֆոնդային շուկաներին, քանի որ ավելի բարձր դրույքները կբարձրացնեն պակաս ռիսկային այլընտրանքային ակցիաների եկամտաբերությունը։ Տոկոսադրույքների բարձրացումը Եվրոպայում բարդանում է տնտեսական աճի հեռանկարների թուլացմամբ, քանի որ պատերազմն Ուկրաինայում ցնցում է առաջացրել համաշխարհային տնտեսությունում։