ՀՀ զինուժը պատրաստ էր 2-3 անգամ գերազանցող ուժին դիմակայելու. Դավիթ Տոնոյան

Արցախի Հանրապետության ժողովրդի անվտանգության ապահովման առումով ՀՀ զինված ուժերը պատրաստ էին իրենցից երկու–երեք անգամ գերազանցող ուժին դիմակայելու` հաշվի առնելով պատրաստվածությունն ու աշխարհագրությունը և այն բնագծերը, որտեղ մեր զինուժը գտնվում էր։ ՀՀ ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի այսօրվա նիստում հայտարարեց պաշտպանության նախկին նախարար Դավիթ Տոնոյանն` անդրադառնալով հարցին, թե իր պաշտոնավարման ընթացքում ի՞նչ վիճակում էր ՀՀ բանակը, գրում է «Սպուտնիկ Արմենիա»-ն։