Ֆրանսիայի հարավում կործանված ինքնաթիռի օդաչուն բուժում է ստացել ինքնասպանության հակվածության դեմ

• 31.03.2015, 10:47
•  Եվրոպա,  Աշխարհ,  No-politics

Քննիչները բացահայտել են, որ Ֆրանսիայի հարավում աղետի ենթարկված A320 ինքնաթիռի երկրորդ օդաչու Անդրեաս Լյուբիցը նախքան օդաչու դառնալը մի քանի տարի շարունակ բուժում է ստացել ինքնասպանության հակվածության դեմ։ Սակայն, երբ Լյուբիցին տրվել է օդաչուի արտոնագիր, նրա փաստաթղթերում բուժման փաստը չի արձանագրվել, հաղորդել են քննիչները։

Մարտի 24-ին Germanwings ավիաընկերության А 320 օդանավը Իսպանիայից Գերմանիա չվերթի ժամանակ աղետի էր ենթարկվել Ֆրանսիայի հարավում՝ լեռնային տեղանքում: Ինքնաթիռում աղետի պահին գտնված 144 ուղևորները և անձնակազմի 6 անդամները զոհվել են։

Ինքնաթիռի անկման փաստով քրեական գործ է հարուցվել: Նախնական վարկածով աղետը տեղի է ունեցել Անդրեաս Լյուբիցի մեղքով, ով, մենակ մնալով օդաչուների խցիկում, փակել է դուռը, որպեսզի անձնակազմի հրամանատարին թույլ չտա վերադառնալ և սկսել է կտրուկ իջեցնել թռիչքի բարձրությունը, ինչը հանգեցրել է ինքնաթիռի կործանմանը։