ԵՐԵՎԱՆ 18 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19,754.04 դրամ ԱՐԾԱԹ - 252.47 դրամ ՊԼԱՏԻՆ - 13,441.18 դրամ

ԵՄ-ի և ԱՄՆ-ի արձագանքը, ԼՂՀ ընտրությունների հետ կապված, նահանջ էր համամարդկային արժեքներից

Մայիսի 3-ին կայացած Լեռնային Ղարաբաղի Հանրապետության խորհրդարանական ընտրություններին տված միջազգային, մասնավորապես ԵՄ-ի, ԵԱՀԿ-ից և ԱՄՆ-ից ունեցած արձագանքի վերլուծությունը թույլ է տալիս կատարել մի շարք ուշադրության արժանի եզրակացություններ:

ԵԱՀԿ Մինսկի խմբի համանախագահների հայտարարության մեջ տեղ գտած երկու հիմնական թեզերը հակասում են միմյանց:  Հայտարարության մեջ համանախագահները փաստում են, որ իրենք ճանաչում են Լեռնային Ղարաբաղի ժողովրդի դերն իր ապագան որոշելու հարցում (2012 նախագահական և 2010 խորհրդարանական ընտրություններին տված արձագանքում այս թեզը չի հանդիպում),  միևնույն ժամանակ նրանք նշում են, որ չեն ընդունում ընտությունների արդյունքների ազդեցությունը Լեռնային Ղարաբաղի իրավական կարգավիճակի վրա: Հարց է առաջանում, եթե ԼՂՀ չընտրեր այս ուղղին և չգնար ժողովրդավարացման ճանապարհով, ապա առաջացած անարխիայում ինչպես էր Արցախի ժողովուրդը հնարավորություն ունենալու որոշելու Լեռնային Ղարաբաղի իրավական կարգավիճակը:

ԵՄ հայտարարությունն, ըստ էության, առավել անընդունելի է: Եթե Մինսկի խմբի համանախագահները իրենց հայտարարության մեջ գոնե փաստում են, որ իրենք ճանաչում են Լեռնային Ղարաբաղի ժողովրդի դերն իր ապագան որոշելու հարցում, ապա ԵՄ-ն, նահանջ կատարելով իր իսկ կողմից ակտիվ քարոզվող համամարդկային արժեքներից, հայտարարության մեջ անգամ չի ճանաչում ԼՂՀ ժողովրդի սեփական ապագան տնօրինելու իրավունքը:

ԱՄՆ-ի պետդեպարտամենտի կողմից ԼՂՀ ընտրությունների վերաբերյալ արված հայտարարության մեջ մի հետաքրքիր բառախաղի ենք հանդիպում, որը արժանի է ուշադրության: Պետդեպարտամենտի խոսնակն ընգդծել է.  «ԱՄՆ-ն չի պատրաստվում մինչև միջազգային բանակցությունների ավարտը կանխորոշումներ անել Լեռնային Ղարաբաղի վերջնական կարգավիճակի վերաբերյալ»: Սա, ըստ էության, մարտահրավեր է Ադրբեջանի նախագահի կողմից հաճախ շրջանառվող թեզին, համաձայն որի` ԱՄՆ-ն ընդունում է Ադրբեջանի տարածքային ամբողջությունը` նրա կազմում ներառելով նաև ԼՂՀ-ն:

Եթե փորձենք վերը նշվածն ամփոփել, ապա պետք է փաստենք, որ թե՛ Եվրամիությունը և թե՛ Միացյալ Նահանգաներն իրենց հայտարարություններով կրկին հակասեցին իրենց` միջազգային հարթակում որդեգրած ժողովրդավարական արժեքների ակտիվ ջատագովի կեցվածքին: Իսկ ինչ վերաբերում է ԵԱՀԿ Մինսկի խմբի կողմից արված հայտարարությանը, ապա պետք է փաստենք, որ համանախագահները ևս մեկ անգամ փորձեցին «չնեղացնել» կողմերից և ոչ մեկին, փոխարենը՝ հայտնվեցին «անհարմար» իրավիճակում` հայտատարության մեջ օգտագործելով իրար հակասող, անհամադրելի թեզեր: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 62%
Քամի՝ 22.53 կմ/ժ
18 C°
 
18°  28° 
23.06.2018
18°  31° 
24.06.2018
Հարցում

Սպասվու՞մ է արդյոք լարվածություն ղարաբաղյան սահմանին: