Մինսկի խմբի համանախագահները տարածաշրջան են եկել երեք հիմնական առաքելությամբ
Միջադեպերի քննության մեխանիզմ ստեղծելու համանախագահների հրապարակային կոչի մերժումն Ադրբեջանի կողմից վկայում է, որ Բաքուն ցանկանում է տապալել Ղարաբաղյան հակամարտության խաղաղ կարգավորմանն ուղղված ջանքերը: Այս մասին նշել է ՀՀ ԱԳ նախարար Էդվարդ Նալբանդյանը ԵԱՀԿ Մինսկի խմբի համանախագահներ Իգոր Պոպովի, Ջեյմս Ուորլիքի, Պիեռ Անդրյոյի և ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ այսօր՝ հոկտեմբերի 26-ին, կայացած հանդիպման ժամանակ:
Համանախագահները տարածաշրջան են այցելել քննարկելու երեք հարց՝ ղարաբաղյան հակամարտության գոտում լարվածության աճը, հակամարտության կարգավորման հարցում համապարփակ լուծումը, վստահության ձևավորման անհրաժեշտությունը:
Նշենք, որ այսօր Երևանում լրագրողների հետ հանդիպման ժամանակ ամերիկացի համանախագահ Ջեյմս Ուորլիքը Մինսկի խմբի անունից մտահոգություն հայտնեց հայ-ադրբեջանական սահմանի լարվածության հետ կապված՝ մասնավորապես ծանր զենքի օգտագործման հարցերով. «Մեր ուղերձը Երևանում և Բաքվում այն կլինի, որ հարգվի հրադադարը և թուլացվի լարվածությունը»: Ամերիկացի համանախագահը նաև նշել է, որ Բաքուն մերժում է հետաքննությունների անցկացման մեխանիզմի ստեղծման առաջարկը: «Նրանք դեռ չեն ընդունել հետաքննությունների անցկացման մեխանիզմի ստեղծման առաջարկը, և մենք պետք է շարունակենք բանակցությունները, պարզելու, թե ինչպիսին պետք է լինեն այդ մեխանիզմները», - ասել է համանախագահը:
Ըստ Ուորլիքի՝ կողմերի միջև լարվածության թուլացման համար անհրաժեշտ է, որ Հայաստանի և Ադրբեջանի նախագահների հանդիպումները լինեն ավելի ինտենսիվ: «Նախագահները հանդիպում են մի քանի տարին մեկ՝ մեկ կամ երկու ժամով. սա բավարար չէ։ Բանակցությունները պետք է շարունակվեն, կողմերը պետք է սեղանի շուրջ նստեն և անդրադառնան այն հարցերին, որոնք կբերեն հակամարտության կարգավորման», ասել է Ուորլիքը։
Նշենք, որ համանախագահների տարածաշրջանային այս այցի նպատակներից մեկը հենց նախագահների հանդիպումը մինչև տարեվերջ կազմակերպելն է: «ՀՀ Նախագահ Սերժ Սարգասյանի և Ադրբեջանի նախագահ Իլհամ Ալիևի հետ հանդիպմանը մենք քննարկելու ենք նախագահների հանդիպման օրը և վայրը: Երկու նախագահներն էլ հանձն են առել խորացնել երկխոսությունը և հանդիպման ցանկություն են արտահայտել: Մենք կցանկանայինք այս այցն օգտագործել` որոշելու հանդիպման հավանական օրը և սկսելու հանդիպման նախապատրաստական աշխատանքները»,- ասել է Ուորլիքը:Նրա փոխանցմամբ՝ Հայաստանի և Ադրբեջանի նախագահների միջև հանդիպումը կանցկացվի մինչև տարեվերջ՝ հավանաբար Հայաստանում անցկացվելիք սահմանադրական բարեփոխումների հանրաքվեից հետո։
Լրագրողների հետ հանդիպման ժամանակ Ուորլիքը կարծիք է հայտնել, որ Ղարաբաղյան հակամարտության համընդգրկուն կարգավորումը հնարավոր չի լինի առանց փախստականների խնդրի լուծման: «Տարածաշրջանում փախստականների ձայնը պետք է լսելի դարձնել: Հարցերից մեկը, որ մենք ցանկանում ենք քննարկել որպես համընդգրկուն կարգավորման մաս, հնարավորությունների ստեղծումն է, որպեսզի փախստականները և ներքին տեղահանվածները կարողանան վերադառնալ իրենց տները»,- նշել է ամերիկացի համանախագահը:
Նա նաև հավելել է, որ հանդիպումների ժամանակ համանախագահները խնդրելու են երկու երկրների նախագահներին և արտգործնախարարներին համաձայնության գալ այն սկզբունքների շուրջ, որոնց հիման վրա իրենք կարող են շարունակել բանակցությունները՝ միևնույն ժամանակ կողմերին կոչ անելով ընդունել շվեյցարական առաջարկը և անցնել կառուցվածքային բանակցությունների:
Հայտնի է, որ համանախագահները Բաքվում կլինեն հոկտեմբերի 28-ին: Իսկ մինչ այդ, Մինսկի խմբի համանախագահները կայցելեն Լեռնային Ղարաբաղի Հանրապետություն, որտեղ հանդիպում կունենա երկրի ղեկավարության հետ:
այլ նյութեր այս թեմայով
- Ադրբեջանական զինուժը Մարտակերտի շրջանում խախտել է հրադադարը. Արցախի ՊՆ Հայկական կողմում կորուստներ չկան։
- Ի՞նչ արձանագրվեց երեկ Բրյուսելում Փորձ է արվել ցույց տալ, որ կա իրական առաջընթաց, հստակ պայմանավորվածություններ ու պլանավորված քայլեր մոտ ապագայի...
- Ադրբեջանի սադրանքն Արցախի նկատմամբ. քաղաքական ու հոգեբանական ճնշում Ի՞նչ խնդիրներ է փորձում լուծել Ադրբեջանը: Եվ ինչի՞ կարող է հանգեցնել միջազգային հանրության լռությունը:
- Նիկոլ Փաշինյանը հեռախոսազրույց է ունեցել Շառլ Միշելի հետ Վարչապետը մտահոգություն է հայտնել վերջին շրջանում Ադրբեջանի աճող ագրեսիվ հռետորաբանության և սադրիչ գործելակերպի...
- ԱՄՆ-ն լավատեսություն է արտահայտում Հայաստան-Ադրբեջան երկխոսության հետ կապված Վերջին շաբաթվա զարգացումները ցույց են տալիս, որ ՌԴ-ի և Արևմուտքի մրցակցությունը տարածաշրջանում սեփական դերի մեծացման...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 55%
Քամի՝ 2,06 կմ/ժ