Ի՞նչ են երազում արցախցի փոքրիկները

• 06.05.2016, 19:46
•  ԼՂՀ

 «Արցախպրես»-ի թղթակիցը եղել է Ստեփանակերտի թիվ 1 մանկապարտեզում, ծանոթացել հաստատության առօրյային, շփվել երեխաների հետ: 

Մանկապարտեզ հաճախող 4 տարեկան Մհեր Մակարյանը է, ով երազում է դառնալ զինվոր, մանկական պարզամտությամբ ասել է. «Ես արդեն ունեմ զինվորի շորեր. մայրիկս է գնել:

Հայոց դրոշն էլ հայրիկս կպցրել է իմ շորերին: Ես լավ եմ ուտում, որ շուտ մեծանամ, գնամ բանակ ու պաշտպանեմ մեր հայրենիքը»:

Մատաղիսից ժամանակավորապես տարհանված 4 տարեկան փոքրիկ Իզաբելլան էլ նշել է, որ չնայած այստեղ իր նկատմամբ հոգատար են, բայց իր համար իրենց մանկապարտեզն է լավ, և որ ինքը շատ կարոտում է իրենց գյուղի մանկապարտեզը, ընկերներին ու դաստիարակներին:

Իզաբելլայի հարազատ եղբայր Սուրենը, ով, ըստ մանկապարտեզի տնօրենի, խելացի ու պարտաճանաչ երեխա է, մեզ հետ զրույցում նշել է, որ ինքն էլ է ուզում շուտ մեծանալ և իր հայրիկի նման պաշտպանել հայրենիքի սահմանները: