ԵՐԵՎԱՆ 17 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մարտակերտում քառօրյա պատերազմից վնասված տների վերականգնման աշխատանքներն ավարտվում են

Արցախի Հանրապետության Մարտակերտ քաղաքում ապրիլյան քառօրյա պատերազմից վնասված տների վերականգնման աշխատանքներն ավարտման փուլում են: Այս մասին «Արմենպրես»-ի հետ զրույցում նշեց Մարտակերտի քաղաքապետ Միշա Գյուրջյանը:  «Արդեն 10 տան վերականգնման աշխատանքները վերջացնում ենք: Առաջին երկու-երեք օրվա ընթացքում վերջնական ավարտին կհասցնենք: Այդ տներում հիմնականում վնասվել էին տանիքները, պատուհանները, դռները: Այդ ամենն ամբողջությամբ վերականգնվում է»,-ասաց Միշա Գյուրջյանը: Նրա խոսքով, վերականգնման աշխատանքներն ամբողջությամբ ավարտելուց հետո բնակիչները հանգիստ կարող են վերադառնալ իրենց տներ:
Միշա Գյուրջյանը նշեց, որ ընթացքում են ևս 6 տան վերականգնման աշխատանքները: Ըստ նրա` աշխատանքները փոքր-ինչ դանդաղ են ընթանում աշխատուժի սակավության պատճառով:
Ինչ վերաբերում է քաղաքի ենթակառուցվածքներին, Միշա Գյուրջյանը նշեց, որ քաղաքում կա և' էլեկտրաէներգիա, և' գազ, և' ջուր: Քաղաքապետի խոսքով, աշխատանքներ կան ճանապարհների հետ կապված: Դրանց հերթ կհասնի բնակելի տների վերականգնման աշխատանքներն ավարտելուց հետո:

In English На русском

Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 45%
    Քամի՝ 1,54 կմ/ժ
    17 C°
     
    22°  12° 
    11.05.2024
    24°  13° 
    12.05.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: