Պերուի նախագահը նոր կառավարությանը մարզանքի է հանել (տեսանյութ)

• 05.08.2016, 15:47
•  Ամերիկա,  Աշխարհ

Guadalupe Pardo / Reuters

Պերուի նորընտիր նախագահի ու նախարարների կաբինետի անդամների առաջին հանդիպումն ավարտվել է մարմնամարզությամբ, հայտնում է The Guardian-ը։

Երեկ նիստից հետո 19 նախարարից 11-ը դուրս են եկել բակ և մոտ կես ժամ վարժություններ կատարել բարձր երաժշտության տակ 2 ֆիթնես մարզիչների օգնությամբ:

Պետության 77-ամյա ղեկավարը, որը նախընտրական արշավի ժամանակ ստիպված է եղել բազմիցս պատասխանել տարիքի և առողջական վիճակի մասին հարցերին, խոստացել է նման վարժություններ անցկացնել ամեն չորեքշաբթի։ Նրա խոսքով՝ երկրում, որտեղ բնակչության ավելի քան կեսն ունի ավելորդ քաշ, կարևոր է առողջ ապրելակերպ քարոզելը։