ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Օբամայի թոփ 5 ձեռքբերումներն ու ձախողումները

IBT

Բարաք Օբամայի՝ ԱՄՆ նախագահի պաշտոնը թողնելուց հետո «Արմեդիա» ՏՎԳ-ն ներկայացնում է ութ տարվա ընթացքում նրա ունեցած հիմնական ձեռքբերումներն ու ձախողումները: Որոշ կետեր կարող են խիստ վիճելի լինել, սակայն մենք առանձնացրել ենք առավել մասշտաբային և հանրության լայն շրջանակներին հայտնի դարձած իրադարձությունները:

  


Ձեռքբերումներ 

Իրանի միջուկային համաձայնագիրը 

Այս համաձայնագրով, որը կնքվեց նախագահ Օբամայի օրոք և նրա անմիջական մասնակցությամբ, հանվեցին միջազգային պատժամիջոցներն Իրանի դեմ այն բանի դիմաց, որ վերջինս համաձայնեց սահմանափակել հարստացված ուրանի օգտագործումը: Իրանը համաձայնեց բարձրացնել միջուկային հետազոտությունների թափանցիկությունը: Սա վերջ դրեց տարիներ ի վեր տևած լարվածությանը երկրների միջև և մեծ դիվանագիտական նվաճում համարվեց ողջ աշխարհում: 

Առողջապահական բարեփոխում

Հանրամատչելի բուժման և խնամքի ակտը համարվում է Օբամայի մեծագույն ձեռքբերումը երկրի ներքին քաղաքականության մեջ: Դրա նպատակն է եղել տրամադրել մատչելի առողջական ապահովագրություն միլիոնավոր անապահով ամերիկացիների: Սակայն բազմաթիվ քննադատներ այս ակտը համարել են խաբեություն և մեքենայություն՝ ասելով, թե այն իրականում առաջին հայացքից է միայն բարեփոխում թվում:

 

 ԼԳԲՏ համայնքի իրավունքների բարելավում

Օբաման զգալիորեն ընդլայնեց լեսբուհիների, գեյերի, բիսեքսուալների և տրանսֆեստիտների իրավասություններն ԱՄՆ-ում, և դարձավ առաջին նախագահն, ով պաշտպանեց նույնասեռականների օրինական ամուսնությունը երկրում:

Տնտեսության վերականգնման ակտ

Օբաման փորձեց փրկել տնտեսությունը, որն իր ամենամեծ անկումն էր ապրել 1930-ականների հայտնի ֆինանսական Մեծ ճգնաժամից ի վեր: Նա ստորագրեց վերականգնման ակտը, որով կրճատվեցին հարկերն ու պահպանվեցին միլիոնավոր աշխատատեղեր:

Կուբայի հետ հարաբերությունների վերահաստատում 

ՄԱԿ-ի յուրաքանչյուր անդամ երկիր, բացառությամբ Իսրայելի, դատապարտել էր ԱՄՆ-ի երկարատև էմբարգոն Կուբայում: Դրան վերջ դնելու պահը շատ վաղուց էր հասունացել, սակայն Օբաման առաջին խոշոր քայլերը ձեռնարկեց, և իր վարչակազմի հետ միասին բավական ջանքեր ներդնելով այս ուղղությամբ՝ ի վերջո վերականգնեց հարաբերությունները հարևան կղզու հետ:

 

Ձախողումներ 

Մեծաթիվ փախստականների տարհանումը 

Նախագահ Օբամայի ռեկորդը փախստականների տարհանման թվով հասել է աղետալի ցուցանիշի: Դեռևս 2008 թվականի իր քարոզարշավի ընթացքում նա խոստացել էր բարեփոխումներ կատարել այս ոլորտում իր առաջին 100 օրվա ընթացքում: Դա տեղի չունեցավ: Փոխարենը, նա երկրից արտաքսեց ավելի շատ անօրինական աշխատողներ, քան որևէ այլ նախագահ նրանից առաջ:

Աֆղանստանի պատերազմը 

Ոչ մի նախագահ ԱՄՆ-ի պատմության մեջ երբևէ պատերազմում չէր անցկացրել իր նախագահության երկու ժամկետները: Օբաման եռապատկեց ամերիկյան զորքերի թիվն Աֆղանստանում իր առաջին իսկ գործողությունների ընթացքում:

ԱՄՆ-ն եղել է պատերազմի մեջ ուղիղ 15 տարի (որից 8-ը Օբամայի նախագահության օրոք), դարձնելով աֆղանական պատերազմն ամենաերկարը ԱՄՆ-ի պատմության մեջ:

Գուանտանամոյի բանտը չփակելը 

Դեռևս 2008 թ.-ին Օբաման ընտրարշավում խոստացել էր զբաղվել Գուանտանամոյի բանտի փակման հարցով, որը համարվում է ամենասարսափելի կալանավայրը հանցագործների համար: Օբամայի մարդասիրական կոչը փակել դժոխային բանտի դռները, բերել էր բազմաթիվ ընտրողների դրական արձագանքն ու ձայները:

Արտաքին հարաբերությունները 

Ամերիկացիների մեծամասնությունը խիստ դժգոհ է Օբամայի վարած արտաքին քաղաքականությունից: Իրավիճակն Իրաքում, Սիրիայում, լարված հարաբերությունները Ռուսաստանի հետ, որոնք հիշեցնում են Սառը պատերազմի տարիները, չափազանց անբարենպաստ են երկրի համար: Շատ քաղաքացիներ ցանկանում են արդեն Թրամփի օրոք հնարավորինս արագ վերականգնել հարաբերությունները Մոսկվայի հետ, ինչպես նաև վերջ տալ Մերձավոր Արևելքում տարիներ ի վեր տիրող քաոտիկ իրավիճակին:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 0 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: