ԵՐԵՎԱՆ 19 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 396,58 դրամ ԱՐԾԱԹ - 258,12 դրամ ՊԼԱՏԻՆ - 14 319,21 դրամ

Բրիտանիայի վարչապետը հրաժարվո՞ւմ է Brexit-ից

Մեծ Բրիտանիայի վարչապետը երեկ բավական անսպասելի նախաձեռնությամբ հանդես եկավ՝ բարձրացնելով արտահերթ խորհրդարանական ընտրություններ անցկացնելու հարցը: Ավելի ուշ խորհրդարանը կողմ արտահայտվեց համապատասխան որոշմանը: Արդյունքում, հունիսի 8-ին Մեծ Բրիտանիայում արտահերթ խորհրդարանական ընտրություններ կանցկացվեն և կձևավորվի նոր խորհրդարան, որն էլ պետք է ստանձնի Brexit-ի գործընթացի բեռը: Սակայն տպավորություն է ստեղծվում, որ Բրիտանիայի վարչապետի նպատակներն այնքան էլ միանշանակ չեն:

 Հիշենք, որ ԵՄ կազմից Մեծ Բրիատանիայի դուրս գալու շուրջ քննարկումները մեկնակել են 2015թ.-ին կայացած խորհրդարանական ընտրություններից հետո, երբ հաղթանակ տարավ Դեյվիդ Քեմերոնի գլխավորած Պահպանողական կուսակցությունը: Քեմերոնը խոստացել էր հաղթելու պարագայում հանրաքվե անցկացնել ԵՄ կազմից Միացյալ Թագավորության դուրս գալու շուրջ: Արդյունքում, նրա կուսակցությունը զբաղեցրեց առաջին տեղը՝ ստանալով 331 մանդատ, երկրորդ տեղում լեյբորիստական կուսակցությունն էր՝ 232 մանդատ: Քեմերոնն անցկացրեց հանրաքվեն, սակայն քարոզարշավի ընթացքում կոչ էր անում դեմ քվեարկել ԵՄ-ից դուրս գալուն: «ԱՅՈ»-ն հաղթեց, և Քեմերոնը հրաժարական տվեց, նրան փոխարինելու եկավ Թերեզա Մեյը՝ նույն Պահպանողական կուսակցությունից, ով գլխավորեց ԵՄ-ն լքելու գործընթացը:

Այսօր Մեյը բարձրացնում է խորհրդարանի լուծարման հարցը՝ մեկանաբանելով, որ «անհրաժեշտ պահն է հարցնել բրիտանացի ժողովրդին, թե արդյո՞ք այն պատրաստ է ինձ և Պահպանողական կուսակցությանը վստահել Եվրամիությունից Մեծ Բրիտանիայի դուրս բերման ծրագրի կյանքի կոչումը»: Կարծես թե բրիտանացի ժողովուրդը նախորդ ընտրություններին տվել է այս հարցի պատասխանը, և Մեյն այսօր խորհրդարանում ունի անհրաժեշտ հենարանը՝ գործընթացն առաջ մղելու և ավարտին հասցնելու համար: Այդ ֆոնին նման քայլն առնվազը տարօրինակ է թվում:

Առաջանում է մեկ այլ հարց. իսկ միգուցե Մեծ Բրիտանիայի վարչապետը սկսել է կասկածել ԵՄ-ն լքելու նպատակահարմարության վրա և հետդարձի քաղաքակիրթ ուղի՞ է փնտրում: Խորհրդարանական ընտրությունների արդյունքները կարող են ստեղծել այդ ուղին՝ ցույց տալով, որ գիտակցելով «ԵՄ հետ ապահարզանի» հետևանքները բրիտանացի ժողովուրդը մտափոխվել է: Այս սցենարը որևէ կերպ բացառել չի կարելի:

Այն էլ ավելի համոզիչ է թվում, եթե հաշվի առնենք, որ Brexit-ը երկու հիմնավորում ուներ՝ միգրացիոն հոսքերի դեմ պայքար և ԵՄ-ին անդամակացությունից բխող տնտեսական բեռի թեթևացում: Սակայն պարզվեց, որ Բրիտանիան ստիպված է լինելու ԵՄ-ին մոտ 50-60 մլրդ եվրո վճարել՝ մինչ այդ ԵՄ առաջ Բրիտանիայի ստանձնած պարտավորությունների դիմաց, ինչը ոչ միանշանակ է դարձնում գործարքի տնտեսական նպատակահարմարությունը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 62%
Քամի՝ 22.53 կմ/ժ
19 C°
 
21°  36° 
28.06.2017
21°  31° 
29.06.2017
Հարցում

Արդյո՞ք Ղարաբաղյան հակամարտությունը կլուծվի առաջիկա 10 տարվա ընթացքում: