ԵՐԵՎԱՆ 12 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԵՄ-ն փորձում է զգոնացնել Թուրքիային

Եվրամիության աիդիտորների դատարանը որոշել է հետաքննել, թե որքան արդյունավետ է Թուրքիան՝ որպես ԵՄ անդամակցության թեկնածու երկիր, ծախսել իրեն տրամադրված միջոցները 2007-2013թթ.-ին (շուրջ 4.79 մլրդ եվրո):

Եվրամիությունը բավական մեծ աջակցություն է տրամադրում իր կազմը համալրել ձգտող երկրներին՝ խթանելու համար այդ երկրներում բարեփոխումները և իրականացնելու համար օրենսդրական դաշտի, գործող չափորոշիչների, կյանքի որակի մոտարկում եվրոպական ստանդարտներին: Միաժամանակ, այն երկրների պարագայում, որոնց կողմից այդ միջոցների օգտագործման արդյունավետությունը կասկածներ է հարուցում, ԵՄ-ն դիմում է հատուկ վերահսկման մեխանիզմների:

Տվյալ դեպքում հարցը ոչ միայն զուտ ընթացակարգային և ֆինանսական, այլ առաջին հերթին քաղաքական նշանակություն ունի: Թուրքիան տարիներ շարունակ լայնորն օգտվում է ԵՄ անդամակցության թեկնածու երկրի իր կարգավիճակից ՝ թե’ բարեփոխումների համար տրամադրվող ֆինանսական միջոցների, թե’ քաղաքական առավելությունների տեսքով: Բացի այդ, միգրացիոն ճգնաժամի ընթացքում ԵՄ-ն հսկայական դրամական միջոցներ տրամադրեց Անկարային միգրանտների հոսքը դեպի ԵՄ կասեցմելու պայմանավորվածության դիմաց, որն այդպես էլ կյանքի չկոչվեց:

Այսօր Թուրքիայի ղեկավարությունը հայտարարում է, որ կարող է հանգիստ հրաժարվել եվրաինտեգրման ուղուց: Երկրում տիրող բռնաճնշումները, լրագրողների հետապնդումները և Էրդողանի իշխանության ընդլայնումն ու իսլմական արժեքների արմատացումը ցույց են տալիս, որ Թուրքիան իսկապես և բավական մեծ քայլերով նահանջում է եվրոպական արժեհամակարգից՝ միաժամանակ Բրյուսելի առաջ պահանջներ դնելով:

Այս համատեքստում առնվազն բնական է, որ ԵՄ-ում պետք է հարց ծագի տրամադրված միջոցների կիրառման արդյունավետության և ընդհանրապես Անկարային միջոցներ տրամադրելը շարունակելու նպատակահարմարության վերաբերյալ: ԵՄ աուդիտորների դատարանի այս որոշումը կարելի է նախազգուշացում և զգոնության կոչ համարել՝ ուղղված Անկարային՝ հուշող, որ ԵՄ-ն կարող է քաղաքական հայտարարություններից անցնել գործնական քայլերի: Առավել ևս, որ 2010թ.-ին ԵՄ աուդիտորների դատարանն արդեն իսկ մեկ անգամ ուսումնասիրել է Թուրքիայի հարցը և բավական բացասական եզրակացություն է տվել: 

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 38%
    Քամի՝ 0,51 կմ/ժ
    12 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: